დღის ჰადისი
ადი ბინ ჰათიმმა (კ.ი.მ.ა.) თქვა, რომ
გაიგონა, თუ როგორ ამბობდა ალლაჰის შუამავალი (ა.დ.მ.): “გაეცით ფინიკის
ნახევარი (ქველმოქმედებისთვის) და ამით დაიცავით თავი ცეცხლისგან
(ჯოჯოხეთისგან)”
[ალ-ბუხარი და მუსლიმი]
ადი ბინ
ჰათიმის (კ.ი.მ.ა.) სხვა მონათხრობის მიხედვით, ალლაჰის შუამავალმა
(ა.დ.მ.) თქვა: “ალლაჰი უეჭველად ყველას შუამავლის გარეშე დაელაპარაკება.
ის (კაცი) გაიხედავს მარჯვნივ და მხოლოდ იმ საქმეებს დაინახავს, რაც მას
ადრე გაუკეთებია. შემდეგ მარცხნივ გაიხედავს და დაინახავს, მხოლოდ იმ
საქმეებს, რაც მას ადრე გაუკეთებია. ამის შემდეგ წინ გაიხედავს და მის წინ
ვერაფერს დაინახავს, გარდა ჯოჯოხეთის ცეცხლისა, რომელიც მას ელოდება.
ამიტომ თავი უნდა დაიცვას ცეცხლისგან (ჯოჯოხეთისგან) ფინიკის ნახევრის
გაცემით. ხოლო თუ ეს არა აქვს, მაშინ _ კეილი სიტყვით.”
კომენტარი: ეს ჰადისი ხაზს უსვამს შემდეგ სამ მომენტს:
1. განკითხვის დღის საშინელებას, რომელიც ყველას ელის, როდესაც ალლაჰის წინაშე წარსდგება, რათა პასუხი აგოს ყველა თავის საქციელზე.
2.
ალლაჰისკენ მიმავალ გზაზე, სადაქასა და მოწყალების სახით ყველამ თავისი
შესაძლებლობების მიხედვით უნდა დახარჯოს. ამ გზაზე შეიძლება გადარჩენის
გზა იყოს ასევე კარგი მანერები, როგორიც არის ზრდილობიანი საუბარი და სხვა
ამის მსგავსი.
3. განკითხვის დღეს ადამიანს მხოლოდ მისი კეთილი საქმეები თუ იხსნის.
(1)(2)(26).gif)
