სურა ენამ, აიათი 153

გავუფრთხილდეთ ეროვნულ და სულიერ ღირებულებებს

ძვირფასო მუსლიმებო,

ერის გადამრჩენი ეროვნული და სულიერი ღირებულებებია. სწორედ ეს ღირებულებები უზრუნველყოფს საზოგადოების ერთიანობასა და სოციალურ სოლიდარობას, რაც თავის მხრივ მთელი ისტორიის მანძილზე ერის იდენტობას განაპირობებს. ერები თავიანთ ღირებულებებს თაობიდან თაობებს გადასცემენ და არსებობას ასე განაგრძობენ. ისტორიამ გვაჩვენა ის გადაშენებული ერები, რომლებიც საკუთარ ღირებულებებს არ უფრთხილდებოდნენ და გამუდმებით სხვების მიბაძვაში იყვნენ. სწორედ ამიტომაა, რომ ერის შიგნიდან გატეხვის და განადგურების მსურველები უპირველეს ყოვლისა ამ ერის ღირებულებებს იღებენ მიზანში და ცდილობენ მათ შეცვლას და მივიწყებას.

 

ძვირფასო მორწმუნეებო,

ჩვენი ეროვნული კულტურა ჩვენს სარწმუნოებასთან სრულ თანხვედრაშია. სიყვარულის, ერთგულებისა და პატივისცემის ჩამოყალიბების, საზოგადოებრივი ცხოვრების ჰარმონიულობის უზრუნველყოფის, მომავალი თაობების ღირსეულად აღზრდისა და სასარგებლო მოქალაქეებად ჩამოყალიბების საქმეში ჩვენი სულიერი და ეროვნული ღირებულებების როლი უდიდესია. ამ მხრივ განსაკუთრებით მნიშვნელოვანია მომავალი თაობების აღზრდა, რათა ისინი ამ ღირებულებების გათავისებით აღიზარდონ. წინააღმდეგ შემთხვევაში, თუ ახალგაზრდები დაშორდებიან ეროვნულ და სულიერ ღირებულებებს, შესაბამისად ისინი ტრადიციისადმი შეუსაბამო ქცევებს შეიძენენ და მავნე ჩვევბისა და მიმართულებების მიმდევრად გადაიქცევიან.

 

გამომდინარე აქედან, მომავალი თაობების ეროვნული, სულიერი და კულტურული ღირებულებების მიხედვით აღზრდა ყველას მოვალეობაა, მშობელი იქნება, მასწავლებელი თუ მთელი საზოგადოება. დიადი ღმერთი გვიბრძანებს გავუფრთხილდეთ ეროვნულ და სულიერ ღირებულებებს.  ენამის სურას 153-ე აიათში ღმერთი ბრძანებს:

“და უეჭველად, ესაა გზა ჭეშმარიტი, გაჰყევით მას და არ გაჰყვეთ გზებს, რომელიც დაგაშორებთ თქვენ მასთან. აი, რას გიწესებთ იგი, ეგების  დაცული იქმნეთ ყოველივე ცუდისაგან!   

თემასთან დაკავშირებით  შუამავალიც ბრძანებდა, რომ უნდა მოვერიდოთ უცხო ხალხების წესების შეთვისებას, რათა ერთიანობა შევინარჩუნოთ. წინააღმდეგ შემთხვევაში ეს ყველაფერი ჩვენს ზნეობრივ დაცემას და განადგურებას გამოიწვევს.

 

ძვირფასო მუსლიმებო,

 

დღეს გავრცელებული ტრადიცია, რომელიც ახალი წლის აღნიშვნას შეეხება ჩვენს რელიგიურ და კულტურულ ტრადიციებთან კავშირში არ არის. ამ ტიპის წვეულებებზე, როგორც წესი ალკოჰოლურ სასმელებს სვამენ, რაც გონებისა და ჯანმრთელობსთვის საშიშია. ასევე შეუსაბამოა ის გაწეული უზარმაზარი ხარჯები, რომლებიც ჩვენს ოჯახებს მძიმედ აწვება. ამგვარი გართობა და ღრეობა არანაირად არ შეესაბამება ჩვენს რელიგიურ და სულიერ ღირებულებებს. ამიტომ აუცილებელია მეტი ყურადღება გამოვიჩინოთ ჩვენზე გადმოცემულ სულიერი მემკვიდრების მიმართ და ყოველმხრივ ვეცადოთ არ დავაკნინოთ მათი როლი. ასევე სასიცოცხლოდ მნიშვნელოვანია ამ ყველაფრის მომავალი თაობებისთვის გადაცემა. აუცილებლად უნდა მოვერიდოთ უცხო ტრადიციების ბრმად მიბაძვას და მითუმეტეს ისეთი ტრადიციებისა, რომლებიც ჩვენი ღირებულებების წინააღმდეგია. ამიტომ ყოველ ახალ წელს ღმერთის და შუამავლის მიერ მოუწონებელი საქციელი კი არ ჩავიდინოთ, არამედ გასული წელი გავიხსენოთ და ყველა იმ შეცდომაზე დავფიქრდეთ, რაც ჩაგვიდენია. მომავალი წლისთვის კი ყველაფერი კარგი და სასარგებლო დავგეგმოთ.

  • 31/12/2015
  • 2333

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21