მოწყალე და მწყალობელი ღმერთის სახელით

მთელ ისლამურ სამყაროს ვულოცავთ სამთვეულისა და რეგაიბის ღამის დადგომას. სამთვეულის მობრძანებამ ჩვენი გულები იმედით, შემწყნარებლობითა და ბარაქით აავსო და ვისურვებთ, რომ ამგვარი ამაღლებული განწყობა, დაწყებული ჩვენი ქვეყნიდან, მთელს დედამიწას მოეფინოს. ასევე ვისურვებთ, რომ  ისლამურ სამყაროში ერთხელ და სამუდამოდ შეწყდეს სისხლისღვრა. დაე, დასრულდეს ტერორი, მტრობა, ძალადობა და ომი, რადგან ეს ყველაფერი ჩვენს საერთო სიმშვიდეს უდიდეს საფრთხეს უქმნის. დაე, დამკვიდრდეს მშვიდობა მთელ დედამიწაზე. დაე, სიკეთე, სილამაზე და სიმართლე იყოს ჩვენი გზა და მომავალი. მაღალ ღმერთს შევთხოვთ მიიღოს  ამ წმინდა სამთვეულში შესრულებული ყოველი ჩვენი ღვთისმსახურება და ლოცვა-ვედრება. 

 

მუსლიმგეორგია

**

 

ძვირფასი შუამავლის დაბადებასთან დაკავშირებულ ამ მადლიან დღეებში, როცა წმინდა სამთვეული დგება და როცა ყოველ წელს სულიერ განახლებას ვეწევით, წელსაც წმინდა სამთვეულთან შეხვედრის სიხარულს, სიმშვიდესა და ბედნიერებას კიდევ ერთხელ ვეღირსებით. 2016 წლის 7 აპრილს, ხუთშაბათის ღამეს რეჯების, შაღბანისა და რამადანის წმინდა სამთვეულის დადგომის მაცნე, რეღაიბის ღამე დგება. ეს არის მადლმოსილი პერიოდი, რომელიც რამადანის ბაირამამდე გრძელდება. წმინდა სამთვეული არის ის დრო, როცა შერყეულ სულიერებას განვიმტკიცებთ, განვლილ ცხოვრებას კიდევ ერთხელ გადავხედავთ და გულის ხმას მივაყურადებთ. ეს არის წყალობის, შემწყნარებლობისა და გადარჩენის დრო.

რეღაიბი არის ღამე, რომელიც შეგვახსენებს, რომ  ჩვენი ყოველი სურვილი და მისწრაფება  გამჩენისკენ უნდა მივმართოთ. თანამედროვე ადამიანს უჭირს გაუმკვავდეს სურვილებსა და ცდუნებებს და ეს ღამე მისთვის არის იმის მაცნე, რომ ადამიანი დავიქრდეს თავის სურვილებსა და ქმედებებზე. ყველამ უნდა ჩაიხედოს საკუთარ გულში და გაითავისოს თუ რამდენად წარმართავს მის სურვილებსა და ქმედებებს ღმერთს კმაყოფილების მოპოვების სურვილი.

მაშ, მოდით შერყეული სულიერება გავიმრთელოთ და ჩვენს ცხოვრებას ხელახლა გადავხედოთ. მოდით ამ შესაფერის დროს უზენაესის კარებთან უფრო მეტი სურვილითა და უფრო მეტი გულწრფელობით მივეახლოთ. მოდით განვაახლოთ ჩვენი ცხოვრება და რწმენით აღვივსოთ. დაე,  ჩვენი გულები ამ წმინდა სამთვეულის მადლით აღივსოს.

მოდით, ამ ღამეს, ადამიანის გულის დამამძიმებელი ყველა ის უარყოფითი გრძნობა დავივიწყოთ, რასაც სიძულვილი, მტრობა, შურისძიება და გაუტანლობა ჰქვია. მოდით გავითავისუფლოთ გულები, რათა სიმშვიდეს ვეზიაროთ. მოდით, გული გავუღოთ რწმენას, ცოდნას, სიბრძნესა და ჭეშმარიტებას და შუანაგანი სიხალვათე ვიგრძნოთ. გული გავითავისუფლოთ შურისა და ეგოიზმისგან, რადგან ისინი ღმერთის წყალობას გვაშორებენ. მოდით გულწრფელად გვწამდეს და მართალი საქმე ვაკეთოთ, რათა გადავრჩეთ. მოდით ხელახლა გავიმეოროთ ჩვენი აღთქმა უზენაესისადმი და მიცემული პირობა შევასრულოთ. მოდით, მოვერიდოთ ყოველგვარ ბოროტებასა და სიძულვილს, შურსა და არეულობას, რათა ძმები ვიყოთ. მოდით, ღმერთის მიერ ბოძებულ წყალობას ჩვენი სისუსტეების მსხვერპლად ნუ ვაქცევთ, რათა ღმერთთან სიახლოვე შევინარჩუნოთ. ყველი ჩვენი სურვილი და ქმედება ღმერთისკენ უნდა იყოს მიმართული, რათა ყოველი ღამე ჩვენთვის რეღაიბი გახდეს.

 

შუამავალი ამ წმინდა სამთვეულის მოახლოებისას ღმერთს ასე ევედრებოდა: „ღმერთო დალოცე რეჯები და შაღბანი და დაგვასწარი რამადანს.“  მოდით, მთელი ისლამური სამყაროსთვის,  ყველამ ერთად გავიმეოროთ ეს ვედრება და წარმოვთქვათ: „ღმერთო, ყველა მუსლიმისათვის დალოცვილი იყოს რეჯები და შაღბანი და დაგვასწარ რამადანს.“

მთელ ისლამურ სამყაროს ვულოცავთ წმინდა სამთვეულისა და რეგაიბის ღამის დადგომას. ამ წმინდა სამთვეულის მობრძანებამ ჩვენი გულები იმედით, შემწყნარებლობითა და ბარაქით აავსო და ვისურვებთ, რომ ამგვარი ამაღლებული განწყობა, დაწყებული ჩვენი ქვეყნიდან, მთელს დედამიწაზე გავრცელდეს. ასევე ვისურვებთ, რომ  ისლამურ სამყაროში ერთხელ და სამუდამოდ შეწყდეს სისხლისღვრა. დაე, დასრულდეს ტერორი, მტრობა, ძალადობა და ომი, რადგან ეს ყველაფერი ჩვენს საერთო სიმშვიდეს უდიდეს საფრთხეს უქმნის. დაე დამკვიდრდეს მშვიდობა მთელ დედამიწაზე. დაე, სიკეთე, სილამაზე და სიმართლე იყოს ჩვენი გზა და მომავალი. მაღალ ღმერთს შევთხოვთ მიიღოს  ამ წმინდა სამთვეულში შესრულებული ყოველი ჩვენი ღვთისმსახურება და ლოცვა-ვედრება. 

 

  • 08/04/2016
  • 2027

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21