მირაჯის ღამე

მომავალი სამშაბათის ღამე მირაჯის ღამეა. აქედანვე ყველას გილოცავთ ამ მნიშვნელოვანი ღამის დადგომას.

ძვირფასო ძმებო,

მომავალი სამშაბათის ღამე მირაჯის ღამეა. აქედანვე ყველას გილოცავთ ამ მნიშვნელოვანი ღამის დადგომას.

ისრა და მირაჯის მნიშვნელობა შემდეგია: ამ ღამეს, შუამავალი მუჰამმედი  მესჯიდი ჰარამიდან მესჯიდი აყსაში გადავიდა, იქიდან კი სასწაულებრივად, დიადი ღმერთის ნებითა და მეშვეობით ზეცად ამაღლდა.  ეს სასწაულებრივი მოგზაურობა თავისთავში მრავალ სიბრძნესა და მადლს იტევს. გთავაზობთ აიათს, სადაც ეს მოვლენაა აღწერილი:

„დიდება იმას, რომელმაც ღამით გადაიყვანა თავისი მსახური მესჯიდი ჰარამიდან მესჯიდი აყსაში, რომლის შემოგარენიც ჩვენ დავლოცეთ[1], რათა გვეჩვენებინა მისთვის ნაწილნი ჩვენი სასწაულნისა. უეჭველად, იგია ყოვლისმსმენი, ყოვლისმხედველი! (ისრა 1)

 

 ძვირფასო მორწმუნეებო,

მირაჯის მოვლენა დიადი ღმერთის ულევი ძალისა და სრულყოფილების ნათელი დადასტურებაა. ამ დადასტურებით ღმერთმა აჩვენა შუამავალს და ჩვენ, რომ მხოლოდ ისაა ყოვლისშემძლე. გარდა ამისა, ამ მოგზაურობით ღმერთა შუამავალს ასწავლა თუ როგორ უნდა განიწმინდოს ადამიანი და როგორ ამაღლდეს სულიერად. სამყაროს მბრძანებელმა, მორწმუნოების, სამართლიანობისა და ზნეობრიობის უბადლო მაგალითი, შუამავალი მირაჯის სასწაულებრივი მოვლენით დააჯილდოვა და ამით ჩვენ, მის მიმდევრებს გზავნილი გვიწყალობა. ამ გზავნილის შესაბამისად ვინც იცხოვრებს, სულიერების საფეხურზე თანდათან ამაღლდება. ისინი დაჯილდოვდებიან სამოთხით და მუდმივად იქ დარჩებიან.

მირაჯი ერთის მხრივ ღმერთთან მიახლოებაა, ხოლო მეორეს მხრივ ღმერთის მიერ აკრძალულებისგან შორს დგომა. მორწმუნეთათვის მირაჯი სასიხარულო ცნობაა. სწორედ ამ ღამით ბრძანა ღმერთმა, რომ თუ მორწმუნეს ისეთი დიდი ცოდვა არ ექნება, როგორიც ღმერთზე ვინმეს ან რაიმის გატოლებაა, ცოდვები ეპატიება და სამოთხეში შევა.

მირაჯი ჩვენთვის ფასდაუდებელი საჩუქარია. მირაჯის დროს გახდა დღეში ხუთჯერადი ნამაზი სავალდებულო და სწორედ ნამაზის დროსაა მორწმუნე ყველაზე ახლოს თავის გამჩენთან. როგორც შუამავალი ამაღლდა ამ ღამით და ღმერთის წინაშე წარსდგა, ისე ამაღლდება მორწმუნე ნამაზის შესრულებით. როდესაც ვამბობთ „ალლაჰუ ექბერ“ და ნამაზს ვიწყებთ, ამქვეყნიურ ყველაფერს უკან ვიტოვებთ და ღმერთის წინაშე ვდგავართ.

ფეხზე მდგარი, სწორი მიმართულებით ჩვენს სწორ გზაზე დგომას ვადასტურებთ. ყურანის კითხვით ღმერთის სიტყვას ვღაღადებთ. რუქუს დროს ქედს ვიხრით დიადი გამცენის წინაშე. სეჯდეს დროს კი ღმერთთან ყველაზე ახლოს ვართ და ამ დიად გრძნობას განვიცდით. „ეთთეჰიათუს“ კითხვისას ვადიდებთ ღმერთს და ჩვენც სულიერად ვმაღლდებით. დღეში ხუთჯერ ასე, მთელი სიცხადით ვასრულებთ მირაჯს.

ძვირფასო ძმებო,

ყოველი ღამის ნამაზის შემდეგ რომ „ამენერრესულუს“ ვკითხულობთ, ეგ აიათები მირაჯის ღამის საჩუქარია. ამ აიათის კითხვისას ჩვენ ღმერთზე მიცემულ პირობას ვაახლებთ და ვამბობთ, რომ ჩვენ გვწამს ღმერთის, მისი ანგელოზების, წმინდა წიგნების, შუამავლების.

„ირწმუნა შუამავალმა, რაც თავისი  ღმერთისგან ზემოევლინა და (იწამეს) მორწმუნეებმაც.  იწამა ყველამ ალლაჰი, მისი ანგელოზები, მისი წიგნები, მისი შუამავლები. არ განვასხვავებთ მის შუამავალთაგან არც ერთს! და თქვეს მათ: შევისმინეთ და ვიქმენით მორჩილნი! ღმერთო ჩვენო, (გევედრებით) მიტევებასა შენსას და შენდა მოვიქცევით!

ალლაჰი არ აკისრებს არც ერთ სულს იმაზე მეტს, რაც მას ძალუძს. მისი იქნება რა სიკეთესაც მოიხვეჭს და მის წინააღმდეგ, რა ავიც მოიხვეჭოს. ღმერთო ჩვენო! ნუ მოგვკითხავ, თუკი დაგვავიწყდა ან შევცდით! ღმერთო ჩვენო! არ გვატვირთო მძიმე ტვირთი, როგორც იმათ ატვირთე, ვინც ჩვენ უწინარეს იყო!... ღმერთო ჩვენო! არ დაგვაკისრო ის, რისი ძალაც არ შეგვწევს და მოგვიტევე ჩვენ, შეგვინდე და შეგვიწყალე! შენ ხარ მბრძანებელი ჩვენი და დაგვეხმარე ურწმუნო ხალხის წინაშე! (ბაქარა 285-6)

 

მირაჯის მნიშვნელობას თუ ჩავწვდებით ის ჩვენ თვალუწვდენელ ჰორიზონტს გვიშლის. მირაჯის მნიშვნელობას თუ ჩაწყვდება ადამიანი, ის გადარჩება და აღარ მოუწევს დამცირება. მირაჯის მნიშვნელობის გაგება დაეხმარება ადამიანს მიაღწიოს „სიდრეი მუნთეჰა“-ს მდგომარეობას. ეს არის ყველაზე მაღალი მდგომარეობა სულიერების საფეხურზე. ეს ყველაფერი მორწმუნეს სანუკვარ ოცნებას, სამოთხეში შესვლას უქადის. საკმარისია ეს ყველაფერი გავითავისოთ და ამ ყველაფერის მიხედვით ვიცხოვროთ. ჩვენი ბურაყი ჩვენი რწმენა უნდა იყოს, ხოლო რეფრეფი -ჩვენი ღვთისმსახურება, კეთილი საქმენი და მაღალი ზნეობა. თუ ასე ვიცხოვრებთ, ცხოვრების ყოველი წამი ჩვენთვის მირაჯი იქნება.

ძვირფასო მორწმუნეებო,

მირაჯის საშუალებით ჩვენ კიდევ ერთხელ უნდა გავიხსენოთ ღმერთის, საკუთარი თავისა და გარშემომყოფების წინაშე პასუხისმგებლობა. არ უნდა დაგვავიწყდეს, რომ მირაჯი, მხოლოდ ისტორია არ არის. ჩვენი მოვალეობაა აბუ ბაქარს მსგავსად , ერთგულად მივიღოთ ეს ყველაფერი და გულისხმიერად გავიაზროთ და გავითავისოთ. უნდა შევძლოთ და შევასრულოთ ღმერთის ბრძანებები, ხოლო აკრძალულები მივატოვოთ და მოვინანიოთ. ვინც ამას ვერ მოახერხებს, მას მირაჯის მნიშვნელობა არ გაუგია.

ამგვარი გრძნობითა და გულისხმიერებით კიდევ ერთხელ გილოცავთ მირაჯის ღამეს. დიად ღმერთს ვთხოვ, ამ წმინდა ღამეს ხელაპყრობილი მორწმუნეების ვედრება შეისმინოს და მთელ ისლამურ სამყაროს ერთიანობა, სიმტკიცე, სამართლინობა და მშვიდობა  დაუმკვიდროს.

 

[1] კეთილვჰყავით ფიზიკურად და სულიერად

  • 04/05/2016
  • 1667

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

საღამოს ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 21.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21