ბერათ

ძვირფასო მორწმუნეებო, ჩვენი დიადი გამჩენი ყურანში ბრძანებს:

  1. „თქვი: ჰეი, მსახურნი ჩემო, რომელთაც ზღვარს გახვედით საკუთარი თავის საზიანოდ! არ მოიწყვიტოთ იმედი ალლაჰის წყალობისგან. უეჭველად, ალლაჰი მიუტევებს ცოდვებს სრულად, რამეთუ იგია შემნდობი, მწყალობელი. (ზუმერ 53)

ჩვენ განსაკუთრებულ მნიშვნელობას ვანიჭებთ წმინდა სამთვეულს და ახლა ამ წმინდა სამთვეულის შუაში ვართ. ამრიგად ჩვენ, ასე ნაბიჯ-ნაბიჯ ვუახლოვდებით მადლმოსილი რამადანის თვეს. 21 მაისს, შაბათის საღამოს, კვირის გათენებამდე ბერათის ღამეა. ეს არის განწმენდის ღამე, რათა მოვინანიოთ ყოველგვარი შეცოდებანი და ცოდვები დიდი იქნება თუ მცირე. ეს არის ხელსაყრელი შემთხვევა, როცა ჩვენ შეგვიძლია მოვინანიოთ ყველა ის ქცევა, რაც ჩვენი გაჩენის მიზანს და ღმერთის კმაყოფილებას გვაშორებს. ამ ღამეს ჩვენი გულები და გონება უნდა გავათავისუფლოთ ყოველგვარი მატერიალური თუ სულიერი ნაკლოვანებისგან და ვეცადოთ, რომ ეს შესაძლებლობა მაქსიმალურად გამოვიყენოთ.

ძმებო,

ეს ღამე, ცხოვრების ორომტრიალში ჩაბმულებს, სხვადასხვა მისწრაფებებისა და ოცნებების ასრულების მცდელობაშ გართულებს, შეგვახსენებს ჩვენი გაჩენის ნამდვილ მიზანს და საკუთარ თავს გვაპოვნინებს. ის გვახსენებს ჩვენს წარსულს და გვაძლევს საშუალებას გავაანალიზოთ აწმყო და გავიხედოთ მომავლისკენ. გამომდინარე აქედან, ბერათის ღამე წარსულის ცოდვების მონანიებისა და მომავლისაკენ იმედიანი მოლოდინის ღამეა.

ბერათის ღამე ყოველ წელიწადს მოდის და ეს ღამე, უპირველეს ყოვლისა ყოველგვარი უბედურების, ბოროტების, უსამართლობისა და ცოდვებისაგან განწმენდის საჭიროებას გულისხმობს.

გარდა ამისა, ეს ღამე გვახსენებს თუ რაოდენ მიმტევებელი და მოწყალეა ღმერთი და ჩვენ მას უნდა მივეკედლოთ. ამასთანავე ის გვახსენებს, რომ ჩვენც მიმტევებელი და შემწყნარებელნი უნდა ვიყოთ ყველას მიმართ. ეს არის ღამე, როცა გატეხილი გულები უნდა გამრთელდეს, შებღალული ღირსება აღდგეს, შურისძიების სურვილი დამარცხდეს და ურთიერთსიყვარულმა დაისადგუროს.

მესამე კი ის არის, რომ ამ ღამეს ჩვენი ცდუნებებისა და ცოდვებისკენ მიდრეკილებებისგან უნდა გავთავისუფლდეთ. უნდა გავთავისუფლდეთ ეგოიზმის ბატონობისგან. თუ ამ ტყვეობას თავს დავაღწევთ, ეს იქნება ნამდვილი თავისუფლება.

ძვირფასო ძმებო,

ბერათის ღამე ამავდროულად მიტევებისა და შემწყნარებლობის ღამეა. ძვირფასი შუამავალი გვატყობინებს, რომ ამ ღამეს ღმერთი წყალობის თვალით გადმოგვხედავს და ბრძანებს: „არავინ მთხოვს მიტევებას, რომ მივუტევო? სარჩოს არავინ ითხოვს, რომ ვუწყალობო? უბედურებისგან თავის დაღწევა არავის სურს, რომ სიმშვიდე მივანიჭო?“

გამომდინარე აქედან ჩვენი გასაკეთებელი რჩება ის, რომ მთელი არსებით ვიფიქროთ გამჩენზე, აღვავლინოთ ღვთისმსახურება და მოვინანიოთ. მოდით ყველამ ერთად მოვინანიოთ იმ იმედით, რომ ცოდვები მოგვეტევება და ცხოვრებას ახალი ფურცლიდან დავიწყებთ. მოდით მოვინანიოთ, რომ ხანდახან ეგოიზმი და ამქვეყნიური ცდუნებები გვძლევს. მოდით მოვინანიოთ, რომ ხანდახან ყველაზე ახლობელი ადამიანებიც კი გვავიწყდება და ვაკლებთ მათ სიყვარულსა და მზრუნველობას. მოვინანიოთ, რომ ზოგჯერ ცოლ-შვილსა და ახლობლებზე, ობლებსა და გაჭირვებულებზე ვერ ვზრუნავდით. მოდით მოვინანიოთ, რომ ამ დედამიწას, რომელიც ღმერთმა ჩვენ გვიწყალობა, დაუდევრად ვექცევით. მოდით ვილოცოთ და ღმერთს შევევედროთ როგორც საკუთარი თავის, ისე მორწმუნე ძმის ბედნიერებისთვის. მოდით,  მთელი გულით შევევედროთ ღმერთს მსოფლიოში მშვიდობამ დაისადგუროს.  მოდით შვევედროთ ღმერთს, რომ მთელს კაცობრიობას მისი წყალობა არ მოაკლოს.

ძმებო,

ღმერთი მიმტევებელია. ჩვენ, ჩვენი ცოდვების მიტევების იმედით ღმერთს მივეკედლოთ და პატიება ვთხოვოთ. დაე, ღმერთმა მოგვიტევოს ჩვენი შეცოდებანი. ამ ღამის შემდეგ დაე ვიყოთ ცოდვებისგან განწმენდილნი და საიმისოდ მოტივირებულნი, რომ სიკეთისკენ ვილტვოდეთ და ბოროტებას განვერიდოთ. დაე ჩვენი გულები რწმენით აღივსოს და მთელი ცხოვრება სასიკეთო საქმეების კეთებაში გავატაროთ. ხელები აღვაპყროთ და შევევედროთ ღმერთს, რომ ცოდვებისგან განწმენდილნი დავესწროთ მომავალ რამადანს.

დღევანდელ ჰუტბეს შუამავლის სიტყვებით დავასრულებთ: „ღმერთო, წამებისგან შენს კმაყოფილებას და შენი  სასჯელისგან, შენივე მიტევებას მივეკედლები. მე ვერ შეგამკობ შენს შესაფერისად. შენ ისეთი ხარ, როგორსაც ბრძანებ“.

ღმერთო, დაგვადგინე ჭეშმარიტად მადლიერთა შორის.         

  • 21/05/2016
  • 1705

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 22.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21