თუ ბავშვებს ღმერთის შიშს არ ჩავუნერგავთ...

თუ ბავშვებს პატარაობიდანვე სარწმუნოების კანონებს არ გავაცნობთ

 

თუ ბავშვებს ღმერთის შიშს არ ჩავუნერგავთ...

 

თუ ბავშვებს პატარაობიდანვე სარწმუნოების კანონებს არ გავაცნობთ, ღმერთისადმი შიშს არ ჩავუნერგავთ და ალალსა და არამის გარჩევას არ ვასწავლით, გამოდის, რომ მათ ისლამის მიღმა ცხოვრებისკენ ვუბიძგებთ. დღევანდელი საზოგადოების პრობლემა, „რწმენის მიხედვით ცხოვრება კი არა, ცხოვრების მიხედვით რწმენა“-ს პრინციპის ფართოდ დამკვიდრებაა.

 

 

 

ისლამის სწავლულთა აზრით, თუ მშობლები 7-დან 10 წლის ასაკამდე ბავშვებს აუცილებელ რელიგიურ ცოდნას არ მისცემენ, ეს ბავშვები, დიდი ალბათობით ისლამის გარე ცხოვრებით იცხოვრებენ.

 

ჩვენს ქვეყანაში ჩანს, რომ ადამიანები ისე არ ცხოვრობენ, როგორც სწამთ. რამდენად მისაღებია ეს მდგომარეობა მუსლიმისთვის?

 

საქართველოში მუსლიმები, 7-10 წლის ასაკში აუცილებელ რელიგიურ ცოდნას ვერ იღებენ, ამიტომ მათ არ იციან, თუ როგორ იცხოვრონ ისლამის მიხედვით.

რა უნდა ისწავლოს ბავშვმა 7-10 წლის ასაკში?

ამ ასაკში ღვთისმსახურების შესრულება უნდა ისწავლოს.

ასევე უნდა იცოდეს, როგორ მოექცეს მშობლებს, და-ძმას, მეზობლებს, მეგობრებს და ა.შ.

უნდა გავაცნოთ, რა არის ალალი და არამი.

ამ სამ წელიწადში უნდა გაიგოს, თუ რა არის ცხოვრება. თუ ამ სამ წელიწადშ არ ისწავლა სარწმუნოება და ამ სარწმუნოების მიხედვით ცხოვრება, შემდეგ ის სხვებისგან აიღებს მაგალითს და სხვების ცხოვრების წესის მიხედვით ცხოვრებას ისწავლის. მაგალითად მეგობრებისგან, მომღერლებისგან, ფილმის გმირებისგან ნახულ ცხოვრებას აიღებს მოდელად და დროთა განმავლობაში გაითავისებს. ამით ის, შეიძლება საჭირო და სასურველი ცხოვრების სტილს ასცდეს.

 

 

მუსლიმთა დღევანდელი მდგომარება ასეთია. ადამიანები სარწმუნოების წესების ცოდნის გარეშე არიან დარჩენილნი. ასეთი ადამიანი შეიძლება ნამაზს ასრულებდეს, მაგრამ გარეთ გასული უკვე ნამაზის შესაფერისად არ იქცევა. მშობელი ხუთი დროის ნამაზს ასრულებს, მაგრამ შვილის ქორწილში შეიძლება სტუმრებს  ალკოჰოლური სასმელებით გაუმასპინძლდეს. ეს არის  ისლამის მიღმა ცხოვრების წესის ნათელი მაგალითი. თუმცა ეს ადამიანები ამას ვერ ხვდებიან. ან თუნდაც, ქალბატონები... ზოგი ქალბატონი ნამაზის შესრულებისას თავზე მანდის იხურავს, მაგრამ გარეთ უმანდილოდ გადის. მან ასეთი რწმენა იცის. ეს ყველაფერი უმეცრებიდან მომდინარეობს.     

 

 

რწმენას გვართმევენ

 

რა მნიშვნელობა ენიჭება რელიგიის შესწავლას 7-10 წლის ასაკში?

მოზარდის ცხოვრებაში 7-10 წლის ასაკი ძალიან მნიშვნელოვანი პერიოდია. ამ ასაკში შესწავლილი ცოდნა მთელი ცხოვრების მანძილზე გაყვება ადამიანს. თუ ოჯახში ისლამის მიხედვით ცხოვრების წესია დანერგილი, ამ ოჯახში აღზრდილი ბავშვი შესაბამისად აღიზრდება და ასეთ პიროვნებად წარსდგება საზოგადოების წინაშე. თუ არსებობენ ადამიანები, რომლებიც საზოგადოებრივი სიმშვიდის დარღვევას ცდილობენ? დიახ. არსებობს მრავალი მსურველი, რომლებიც მისიონერობის სახელით ოჯახური და საზოგადოებრივი ცხოვრების მოშლას ცდილობს. საზოგადოება ამავდროულად ოჯახია. მომხვდურები ცდილობენ, როგორც ოჯახური და საზოგადოებრივი, ისე სახლემწიფოებრივი ცხოვრების მოშლას.

ადრე მისიონერები მოდიოდნენ ხოლმე. ახლა მისიონერობა სიონიზმის ხელშია. დღეს სიანიზმის გავლენით მოქმედებს მისიონერობა. ევროპის ქვეყნები მისიონერებთან ერთად შემოდიან. ისინი ცდილობენ ისე მოგვპარონ რწმენა, რომ ვერც კი ვგებულობთ ამას. ფარულად მომპარავს ქურდი ჰქვია, ხოლო აშკარად, იარაღით ვინც წაგართმევს რაიმეს- ყაჩაღი.

ჩვენს ქვეყანაში მოსულ მისიონერებს თუ დავაკვირდებით უფრო ქურდები არიან, ვიდრე ყაჩაღები. ისინი მალულად და შეუმჩნევლად მოქმედებენ.   

 

 

რელიგიურ სწავლებას ხელს უშლიან

 

ამ უმეცრებისათვის პასუხისმგებლობა მხოლოდ მისიონერებს ეკისრებათ?

 

ზოგიერთ მუსლიმ სახელმწიფოში 15 წლის ასაკამდე ყურანის სწავლება იკრძალება. ასევე ხელს უშლიან, რომ ბავშვებმა  7-10 წლის ასაკში რელიგიური ცხოვრება და წესები შეისწავლონ. ეს არის რელიგიურ სწავლებაზე ხელის უხეში შეშლა. ზოგან ქალებისთვის მუსლიმური წესისამებრ თავის დახურვა იკრძალება.  მაგალითად, თუ მეჩეთში გამოაცხადებ, რომ 7-10 წლის ბავშვები ყურანის სასწავლებლად გაუშვითო, დანაშაული იქნება. მშობლებმა არ იციან, რომ ასწავლონ. ყურანის სწავლება იზღუდება, ხოლო სხვა რელიგიის სწავლება თავისუფალი და ხელშეწყობილია. ეს იწვევს იმას, რომ ასე მიტოვებულ ბავშვებს სხვა რელიგიის მიხედვით ზრდიან. თუ ისე არ იცხოვრებ, როგორც გწამს, ისე დაიწყებ რწმენას, როგორც ცხოვრობ. თუ ადამიანი ისლამის საწინააღმდეგო მიმართულებით დაიწყებს ცხოვრებას, მერე ამას მიეჩვევა.

 

როგორ უნდა დავიცვათ თავი?

 

7-10 წლის ასაკის ბავშვებს ყურანის სწავლებას უშლიან, არადა ადამიანის მომავალი ამ ასაკში ყალიბდება. ამიტომაც იკრძალება რელიგიური სწავლება.

 

ყოველი სიბრძნის სათავე ღვთისმოშიშობაა. თუ გსურთ ისეთი პიროვნებები აღზარდოთ, რომლებიც სახელმწიფო ქონებას არ მოიპარავენ, ბავშვებს რელიგიური განათლება ადრეულ ასაკში უნდა მივცეთ. ამის გარეშე სახელმწიფოც გაიძარცვება და ადამიანებიც.  

  • 07/06/2016
  • 2159

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 20.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21