ძვირფასო მორწმუნენო!

ძვირფასო მორწმუნენო!

ყურანი ჯერ კიდევ არ იყო მოვლენილი. მექაში გამეფებული ბოროტება შუამავალისთვის ძალიან დამღლელი იყო. მექელი ურწმუნოების ტრადიციები და ცრურწმენები ჭეშმარიტ რწმენას საერთოდ არ შეესაბამებოდა და ეს შუამავალს ძალიან აწუხებდა. ასეთ პირობებში მყოფი შუამავალი ჰირას მთაზე განმარტოვდებოდა ხოლმე და სამყაროს გამჩენზე ფიქრს ეძლეოდა. ერთ დღესაც, როცა ის ჰირას მთაზე იყო ღვთიური ანგელოზი მოევლინა უთხრა: „წაიკითხე“. შუამავალმა უთხრა: „ რა წავიკითხო?“ მაშნ კი „ალაქ“-ის სურას პირველი ხუთი აიათი მოევლინა:

  1. „იკითხე, შენი ღმერთის სახელით, რომელმაც გააჩინა[1]!
  2. მან გააჩინა ადამიანი შედედებული სისხლისგან[2]!
  3. იკითხე! ღმერთი შენი უსასრულო კეთილშობილების პატრონია,
  4. რომელმაც კალმით (წერა) შეასწავლა!
  5. შეასწავლა ადამიანს ის, რაც მან არ იცოდა! (ალაქ 1-5)

ძვირფასო მორწმუნენო!

სწორედ ამ ბრძანებით „წაიკითხე“ დაიწყო ისლამის ცივილიზაცია, რომელმაც ადამიანის თვალსაწიერი გააბრწყინა. ჩვენი წმინდა წიგნის აიათებში ღმერთი ორ დიდ წყალობას გვპირდება:ერთი ის, რომ მან გვასწავლა კალმით წერა, ხოლო მეორე, მან გვასწავლა ის, რაც არ ვიცოდით. მან გადაგვარჩინა უმეცრებისა და სიბნელისაგან.

  

ძმებო!

ჩვენს სარწმუნოებაში ცოდნა, უპირველეს ყოვლისა საკუთარი თავის და გამჩენი ღმერთის შეცნობაა. ცოდნა, საგნის არსის, არსებობის მიზნისა და მასში არსებული სიბრძნის გაგების მცდელობაა. ცოდნა პასუხისმგებლობა და მოვალეობების ღირსეულად გააზრებაა. ყურანში ნაბრძანებია“ წაიკითხე“ და ამ ბრძანებაში რაიმე მიმართულებით განსხვავებაზე არ არის საუბარი. ეს ბრძანება ეხება ყველას და ის მოგვიწოდებს ვიკითხოთ ამ წმინდა წიგნის აიათები და მასთან ერთად გავეცნოთ სამყაროს წიგნს. ამ წმინდა წიგნთან ერთად უნდა გავეცნოთ ისეთ მეცნიერებებს, როგორიცაა ფიზიკა, ქიმია, ბიოლოგია, მათემატიკა და სხვა, რათა სამყაროში არსებული ღვთიური კანონების შესახებ მეტი ცოდნა მოვიპოვოთ.

ძმებო!

ტრადიციისამებრ, ჩვენი შვილებისათვის განათლების მიცემა სამ მნიშვნელოვან ადგილას ხდება. ესენია: ოჯახი, სკოლა და მეჩეთი. ჩვენი შვილები საკუთარ მეობასა და შესაძლებლობებს, ცხოვრების მიმართ შეხედულებებს უპირველეს ყოვლისა, ოჯახში იძენენ ხოლმე. ზოგად განათლებასა და მეცნიერული ცოდნის საფუძვლებს ბავშვები სკოლაში სწავლობენ. საკუთარი თავისა და სული იდენტიფიცირებას, სულიერ ღირებულებეს და მორწმუნეობრივ ცხოვრებას კი- ბავშვები მეჩეთში სწავლობენ. ყველა ეს ინსტიტუტი ამგვარ ფუნქციას ასრულებდა ადრეც და იგივე ფუნქცია აკისრია დღესაც.

 


 

ძვირფასო მორწმუნენო!

ამ კვირიდან მრავალი მოსწავლე შეუდგა ახალ სასწავლო წელს. ასევე მრავალი მასწავლებელი მათი სწავლა-აღზრდისათვის იღწვის. უპირველეს ყოვლისა წარმატებებს ვუსურვებთ ჩვენს შვილებს და მაღალი ღმერთისგან ყოველგვარ სიკეთის მონიჭებას ვევედრებით. ღმერთმა ქნას, ჩვენი შვილები სასახელონი და სასარგებლონი ყოფილიყვნენ ჩვენი ქვეყნის, სარწმუნოებისა და მთელი კაცობრიობისათვის. აქედან მინდა ხმა მივაწვდინო ჩვენს მოსწავლეებს, მასწავლებლებსა და მშობლებს.
 

მასწავლებლებო, რომლებიც ჩვენს მომავალს აშენებთ!

თქვენ ბევრი რამ შეგვასწავლეთ. ჩვენს შვილებზე, როგორც საკუთარზე, ისე ზრუნავთ. დღევანდელი დღე თქვენ ააშენეთ. ასევე თქვენ უნდა ააშენოთ მომავალიც. თქვენ უნდა აღზარდოთ დამოუკიდებელი პირვენებები, რომლებიც თავიანთ გულსა და გონებას სხვა ადამიანებს არ დაუქვემდებარებს. თქვენ უნდა შეასწავლოთ ჩვენს შვილებს სამართლიანობა, შემწყნარებლობა, პასუხისმგებლობა და ქვეყნისა და ხალხის სიყვარული. დაე, ღმერთი იყოს თქვენგან კმაყოფილი! 

.
 

მოსწავლეებო, რომლებიც ჩვენს მომავალს წარმოადგენთ!

თქვენ უნდა შეიძინოთ ცოდნა, რომელიც მუდმივად სასარგებლო იქნება კაცობრიობისთვის. თქვენს მიერ მიღებულ ცოდნას ერისა და ხალხის სასარგებლოდ გამოიყენებთ. თქვენ იქნებით ზნეობრივად და ღირსებით შემკული თაობა. პატივი ეცით მშობლებს, მასწავლებლებს, მეგობრებსა და ზოგადად ყველა ადამიანს. თქვენ უნდა იცხოვროთ მაღალი იდეალებით და უნდა განახორციელოთ მაღალი მიღწევები. თქვენ ხართ ჩვენი ქვეყნის, ისლამური სამყაროს, ყოველი ჩაგრულისა და უიმედოს იმედი.

 

ამაგდარო მშობლებო!

როგორც ჰადისები მოწმობენ, თქვენ შვილების მომავალზე მეტად მათ ღირსეულად აღზრდასა და სასარგებლო პიროვნებებად ჩამოყალიბებაზე უნდა იზრუნოთ. საამისოდ კი საჭიროა შვილებს ასწავლოთ ყურანი და ამასთანავე ის სასკოლო მეცნიერებები, რომლებიც სამყაროს შეცნობაში დაეხმარებათ. ჰადისში ნათქვამია: „არცერთ მშობელს შვილისთვის კარგ აღზრდაზე უფრო ძვირფასი მემკვიდრეობა არ დაუტოვებია“. თვქნი შვილების პირველი მასწავლებლები სწორედ თქვენა ხართ. არასოდეს დაივიწყოთ, რომ თქვენი სახლი პირველი სკოლაა. თქვენ მუდმივი ურთიერთობა უნდა გქონდეთ თქვენს შვილთან და მათ მასწავლებლებთან. უნდა გახსოვდეთ, რომ სწავლა მხოლოდ ცოდნის დაგროვება არ არის და ის საფუძლიანად აღზრდას გულისხმობს.

ძვირფასო მორწმუნენო!

ღმერთმა დალოცოს ყველა მოსწავლე, მშობელი და მასწავლებელი და  პასუხისმგებლობის შეგრძნების უნარი არ მოაკლოს. ღმერთმა მოგვცეს შესაძლებლობა ვისარგებლოთ შეძენილი ცოდნით და შეგვაძლებინოს სასარგებლო ცოდნის შეძენა.

 

 

[1] სამყარო

[2] ემბრიონისგან

  • 05/10/2016
  • 1547

კომენტარები

განაახლეთ


სტატიები

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.10.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:56 07:29 13:05 15:59 18:29 19:51
სამშაბათი 05:57 07:30 13:05 15:58 18:27 19:50
ოთხშაბათს 05:58 07:31 13:05 15:57 18:26 19:48
ხუთშაბათი 05:59 07:32 13:05 15:56 18:24 19:47
პარასკევი 06:00 07:34 13:04 15:55 18:23 19:46
შაბათის 06:01 07:35 13:04 15:54 18:22 19:45
კვირა 06:02 07:36 13:04 15:52 18:20 19:43