30 მარტი. 2017 წელი.

„სამთვეულისა და რეღაიბის ყანდილის გზავნილი“

აი, დადგა წყალობის, ბარაქისა და განწმენდის სეზონი, სამთვეული და ამასთანავე  30 მარტს, ხუთშაბათისა და პარასკევის მაკავშირებელი ღამე რეღაიბის ყანდილია. ეს ყველაფერი მნიშვნელოვან გზავნილს შეიცავს.

გზავნილის მიხედვით ამ სამთვეულის დროს მორწმუნეები სულიერ განახლებას მისდევენ და ეს არის დღე, როდესაც მორწმუნეები ამ სამთვეულის მოვლინების სიხარულს, სიმშვიდესა და ბედნიერებას აღნიშნავენ. მორწმუნეთათვის ყოველი დღე, ყოველი თვე და მთელი ცხოვრება ღმერთის კმაყოფილების მოპოვებისათვისაა. ამასთანავე, ეს სამთვეული უფრო მეტი სულიერი ამაღლების, უფრო მეტი მონდომების, ცოდვებისგან შერყეული სულიერი სამყაროს განახლების, საკუთარ გულში ჩახედვისა და თვითშეფასების, ხელახალი განწმენდისა და სულიერად გაძლიერების დროა.    

სამთვეული რამადანით გვირგვინდება. ეს, სულიერებისთვის ხელსაყრელი სეზონი კიდევ ერთხელ ცხადად გვაგრძნობინებს ისლამის გზავნილს, რომელიც ღმერთის ბრძანებების მიმართ პატივისცემასა და მისი გაჩენილების მიმართ შემწყნარებლობას გვასწავლის. ეს დრო კიდევ ერთხელ საშულებას გვაძლევს ღვთიური გზავნილი ჩვენს გულებში გავაცოცხლოთ და საზოგადოებრივ ცხოვრებაშიც მეტად იგრძნობოდეს.

რეღაიბი არის საშუალება, რათა კიდევ ერთხელ გადავხედოთ მომავლის გეგმებსა და სურვილებს და ამასთანავე გავაკონტროლოთ მისწრაფებები.

ჩვენი სარწმუნოების მიხედვით რეღაიბი გულისხმობს ჩვენს სურვილებსა და მისწრაფებებს და ჩვენ, მომავალთან დაკავშირებულ სურვილებსა და მისწრაფებებს კიდევ ერთხელ უნდა გადავხედოთ. ეს არის ღამე, რომელიც შეგვახსენებს, რომ ჩვენი ყოველი სურვილი და მისწრაფება გამჩენის კმაყოფილებისკენ უნდა იყოს მიმართული. თანამედროვე ადამიანისთვის, რომელსაც ძალინ უჭირს სურვილების დაოკება, ცდუნებებზე გამკლავება და მავნე ჩვევების მოთოკვა, ეს ღამე ხელსაყრელი მომენტია, რათა მან დაფიქრდეს კიდევ ერთხელ და საკუთარ თავს კითხოს, არის თუ არა მის ყოველ  სურვილსა და ქმედებაში   დიადი ღმერთის კმაყოფილების მოპოვების სურვილი.   

დედამიწა, რომელიც კაცობრიობის საერთო სახლია, უდიდეს ტკივილს განიცდის. ჩვენ ბეწვის ხიდზე გავდივართ და დედამიწაზე ნამდვილი ზნეობრივი კრიზისია.

წარმოიდგინეთ, ხმელთაშუა ზღვა საცხოვრებელი ადგილის მაძიებელთა და იძულებით გადაადგილებულ უამრავ  ადამიანთა სასაფლაოდ იქცა. ამ რამოდენიმე დღის წინაც ათასზე მეტი ადამიანი ზღვის ტალღებში ჩაიძირა და სიცოცხლე  ასე დაასრულა. დასავლურ სამყაროში ისლამოფობია კატასტროფულად იზრდება და მუსლიმური იდენტობა სერიოზული პრობლემების მიზეზი ხდება. წინათ ისლამური სამყარო სიმშვიდისა და უსაფრთხოებით ცნობილ ადგილად ითვლებოდა, დღეს კი ისლამურ ქვეყნებში მტრობა, სისხლისღვრა და ნგრევა მძვინვარებს. ისლამურ ქვეყნებში მრავალი უდანაშაულო ადამიანი იხოცება. სხვადასხვა მიმდევრობები, ეთნიკური ქიშპი, შუღლი და იდეოლოგიური დაპირისპირებები უმწეო და უდანაშაულო ადამიანთა სიცოცხლეს იწირავს.

გამომდინარე აქედან, საციცოხლოდ მნიშვნელოვანია ვძლიოთ ამ პრობლემებს და სიძულვილის მაგივრად შემწყნარებლობა, მტრობის მაგივრად ძმობა და განხეთქილების მაგივრად ერთიანობა გავაძლიეროთ.  

ამ ყველაფრის მიუხედავად ჩვენ უნდა ვძლიოთ არსებულ პრობლემებს, ჩვენ უნდა დავამკვიდროთ სამართლიანობა და შემწყნარებლობა. უნდა ვძლიოთ მტრობას და ძმობა და ერთიანობა გავაძლიეროთ. საამისოდ საჭიროა ვისწავლოთ მიტევება, ბოდიშის მოხდა, შეცდომების დავიწყება, ბოროტებისთვის სიკეთით გადახდა და ერთმანეთის გატანა. სიკეთის გასაღები ბოროტების ბოქლომად უნდა აღვიქვათ და ეს აზრი საკუთარი თავიდან დაწყებული საზოგადოების ყველა წევრზე უნდა გავავრცელოთ.

„ადამიანის გულებში სიყვარულის, სიკეთისა და შემწყნარებლობის წარმოება განა ისეთივე ძვირი და ძნელია, როგორც უზარმაზარ ქარხნებში იარაღის წარმოება?“

რეღაიბის ღამეს, ჩემს გულს რომ მეტყველება შესძლებოდა, სუნთქვა რომ მეყოს და მთელ ქვეყნიერებაზე  ხმის მიწვდენა რომ შემძლებოდა, ადამიანებს ასე მივმართავდი: გულში არსებული შუღლის, სიძულვილისა და მტრობის დაშლა და დანაწევრება, განა ატომის გახლეჩაზე უფრო შრომატევადი და ძნელია?! სიყვარულის, ძმობის და მეგობრობის აშენება უფრო ძნელია, ვიდრე უზარმაზარი ქარხნებისა, სადაც სიცოცხლის მოსასპობად იარაღს ამზადებენ?!

„მიმდინარეობების, იდეოლოგიის, ეთნოსის და სხვა მსგავსი რამეების ისლამზე წინ დაყენება და ამის გამო ადამიანთა სიცოცხლის გამეტება, შუამავლის ცხოვრებაში სადმე მოიპოვება?“

მე რომ დღეს შემეძლოს ხმა მივაწვდინო ჩემს მუსლიმ ძმებს, რომლებთანაც საერთო წმინდა წიგნი და საერთო შუამავალი მაკავშირებს, ასე მივმართავდი:  სხვადასხვა მიმდინარეობის, ეთნიკური ნიშნის, ან იდეოლოგიის ისლამზე წინ დაყენება, ამის გამო ერთიმეორის ხოცვა-ჟლეტა, მტრობა, უდანაშაულო ადამიანების სისხლისღვრა, ისლამის მიწების ბრძოლის ველად ქცევა, ყველანაირი უბედურების მიზეზად გახდომა, ისლამის არასწორად გამოყენება და მიზნის მისაღწევად ნებისმიერი საშულების მისაღებად მიჩნევა ჩვენს წმინდა სარწმუნოებაში, წმინდა წიგნსა და სამყაროს წყალობად მოვლენილი შუამავლის ცხოვრებაში სადმე არის?! 

„ რეღაიბის ღამე არის დრო, როცა შემდგომი თაობებისთვის კარგი მომავლის და მათთვის საცხოვრებლად საუკეთესო პირობების დატოვებაზე უნდა ვიფიქროთ“.

სწორედ ეს არის რეღაიბის ღამე, როცა ამ დრომ და ადგილმა ჩვენს შესახებ მოწმეობა უნდა გასწიოს და განკითხვის დღეს უნდა დადასტურდეს, რომ ჩვენ შემდგომი თაობებისთვის კარგი მომავლის და მათთვის საცხოვრებლად საუკეთესო პირობების დატოვებაზე ვიფიქრეთ.

„მოდით, ყველამ ერთად ჩვენი შესაძლებლობების ფარგლებში ბოროტებას ვუთხრათ „არა“ და დედამიწაზე სამართლიანობა დავამკვიდროთ“

მოდით, ყველამ ერთად ჩვენი შესაძლებლობების ფარგლებში ბოროტებას უარი ვუთხრათ და ყოველგვარი ქიშპობა და მტრობა მოვსპოთ. მოდით ჩვენს ცნობიერებასა და ცხოვრებაში  სამართლიანობა, შემწყნარებლობა და სათნოება დავამკვიდროთ, რათა მშვიდობიანად და ბედნიერად ვიცხოვროთ. ვიყოთ მიმტევებლები და სხვებსაც მიტევება ვასწავლოთ. ერთმანეთს მოვეფეროთ და პატივი ვცეთ. ერთიმეორე დავიცვათ და დედამიწაზე სიკეთემ იბატონოს.

„ღმერთს ვთხოვ ეს წყალობის, ბარაქისა და სულიერად ამაღლების  გარემო აქედან დაწყებული ტალღისებურად გავრცელდეს და მთელი კაცობრიობა მოიცვას. ღმერთმა ქნას მოიტანოს მშვიდობა, შერიგება და გადარჩენა“.

ამ განწყობით ჩვენს თანამემამულე ძმებს, მთელ ისლამურ სამყაროს ვულოცავ სამთვეულისა და რეღაიბის ღამის მობრძანებას და მაღალ ღმერთს ვთხოვ ეს წყალობის, ბარაქისა და სულიერად ამაღლების  გარემო აქედან დაწყებული ტალღისებურად გავრცელდეს და მთელი კაცობრიობა მოიცვას. ღმერთმა ქნას  მოიტანოს მშვიდობა, შერიგება და გადარჩენა. ღმერთმა მიიღოს ყველა ის ღვთისმსახურება და ვედრება, რასაც ამ დღეებში აღვასრულებთ!

  • 30/03/2017
  • 963

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 25.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21