Güven

მსოფლიომ, რომელმაც ნდობა დაკარგა, კიდევ ერთხელ უნდა გაიხსენოს შუამავალ მუჰამმედის (ს.ა.ვ) გზავნილი. „მსოფლიოში საზოგადოებრივი უნდობლობაა გამეფებული. ადამიანი ადამიანს, მეზობელი მეზობელს, მეგობარი კი მეგობარს აღარ ენდობა. ქვეყნები და ზოგადად მსოფლიო მშვიდობის სახელით ისევ და ისევ იარაღის წარმოებას განაგრძობს“.

დღეს კაცობრიობას ნდობის კრიზისი აწუხებს. ჩვენ უნდა ვეცადოთ, ხელახლა ჩამოვაყალიბოთ ისეთი ადამიანები, რომლებზეც ნდობა იქნება შესაძლებელი და ასევე ისინიც, ვინც ენდობიან.

„დღეს, კაცობრიობა ნდობის კრიზისს განიცდის“...

შუამავლისა და ნდობის საკითხის არჩევის მიზეზი არის ის, რომ დღეს მსოფლიოში ნდობა კატასტროფული მასშტაბებითაა მოშლილი. კაცობრიობა ნდობის კრიზისს განიცდის. ადამიანები ერთმანეთს აღარ ენდობიან. მეგობარი მეგობარს აღარ ენდობა, ძმა-ძმას, ნათესავი-ნათესავს, მეზობელი-მეზობელს, დასაქმებული- დამსაქმებელს და ა.შ. ადამიანებმა წარმოუდგენელ გზებს მიმართეს, რათა ნდობის მოთხოვნილება როგორმე დაეკმაყოფილებინათ. უნდობლობის პრობლემის საწინააღმდეგოდ ტექნოლოგიის ყველა შესაძლებლობების გამოყენება დაიწყეს.   

უსაფრთხოების სახელით საშინელ იარაღს აწარმოებენ. მიუხედავად სრულყოფილებამდე მისული დახვეწილი სისტემების განვითარებისა, ადამიანებმა მსოფლიო უსაფრთხოების უზრუნველყოფა ვერ შეძლეს. ამის მიზეზი ისაა, რომ ადამიანთა გულები არ არის უსაფრთხოდ და შესაბამისად ვერც ქვეყნების უსაფრთხოება მიიღწევა. სანამ ადამიანთა გულები დაცული არ იქნება, იქ ვერც ქვეყნების, ვერც მსოფლიოს უსაფრთხოების დაცვა გახდება შესაძლებელი, რადგან თუ ადამიანები მათ მარჯვნივ და  მარცხვნივ მყოფ ღვთიური კამერების არსებობას  დაივიწყებენ და არაფრად ჩააგდებენ, ამქვეყნიური უსაფრთხოების კამერებით მშვიდობა და უსაფრთხოება არ დამყარდება.

 

 „მხოლოდ კაცობრიობის საერთო ოჯახი კი არა, მთელი გარემომცვალი ბუნების უსაფრთხოება საფრთხის ქვეშაა.“

მთელი კაცობრიობის საერთო სახლი, დედამიწა საფრთხის ქვეშაა. ბუნების ბუნებრივობა მოშლილია და ადამიანები თავიანთი ამბიციების, მოხვეჭის სურვილისა და გავლენისათვის სამყაროს ისე აზიანებენ, რომ საცხოვრებლად უვარგისს ხდიან. მცენარეები და ცხოველთა სამყარო ადამიანის ზემოქმედების გამო უმოწყალოდ ზიანდება. ზღვები, ოკეანეები, წყაროები, მიწა, მოკლედ სიცოცხლისთვის აუცილებელი საკვები და ჰაერი დაბინძურებულია და გარემოსა და ბუნების უსაფრთხოება უკიდურესად დაუცველ მდგომარეობაშია.

 

 „უსამართლო და უზნეო ომების გამო ისლამურ ქვეყნებში ისევ და ისევ სისხლი და ცრემლი იღვრება“.

 

დღეს, ყოვლად უსამართლო და უზნეო ომები მუსლიმურ ქვეყნებშია გაჩაღებული. ძალადობა, ტერორი, საბრძოლო შეტაკებები და თავდასხმები ამ ქვეყნების მოსახლეობას ცრემლსა და სისხლში ახრჩობს. ისლამის კულტურული მემკვიდრეობის ძეგლები და სიმდიდრე დაიბომბა და განადგურდა, ხოლო ქალაქები მიწასთან გასწორდა. ეს ომები, რომლებიც არ ცნობენ ზნეობასა და კანონებს, ისევ განაგრძობენ სისხლისღვრას. 

ყველაზე მნიშვნელოვანი და ყველაზე უფრო საზიანო ის არის, რომ ჩვენი სარწმუნოების უსაფრთხოება შეირყა. ახალგაზრდა თაობების მიერ სარწმუნოების მიმართ, რწმენის მიმართ ნდობა შეირყა. ვალდებულნი ვართ შუამავალ მუჰამმედის მიერ მოტანილი გზავნილი ხელახლა გავიხსენოთ და ნდობა აღვადგინოთ. დედამიწაზე ნდობის დამკვიდრების გზა რწმენასა და სამართლიანობაზე გადის.

 

 „კაცობრიობა აცნობიერებს, რომ უნდობლობის ჭაობშია ჩათრეული“.

 

კაცობრიობა აცნობიერებს, რომ უნდობლობის ჭაობშია ჩათრეული, მაგრამ საქმე ისაა, ეს ნდობა ხელახლა როგორ აღვადგინოთ. ნდობა ადამიანის შიგნიდან მოდის ხოლმე. ის ადამიანის გულში ყალიბდება და თუ ეს ასე არ მოხდა რწმენასა და ნდობას შორის კავშირის დამყარება შეუძლებელია. ადამიანს მრავალი სახის შიში აწუხებს: მომავლის შიში, სიღარიბის შიში, სიკვდილის შიში, სიმდიდრისა და მდგომარეობის დაკარკვის შიში და სხვა. ყველა ეს შიშები ადამიანს ისევ და ისევ უნდობლობის ჭაობისკენ უბიძგებს. ყველა ამ შიშისგან თავის დაღწევისა და ნამდვილი ნდობის ჩამოყალიბებისათვის აუცილებელი გზა და ხსნა ჭეშმარიტი რწმენაა.  

 

 „ შუამავალს ისეთი ქალაქები კი არ ენატრებოდა, სადაც უსაფრთხოების კამერებია დაყენებული, არამედ მას ენატრებოდა ადამიანის შიგნიდან, სინდისიდან წამოსული სანდოობა“. 

შუამავალმა ნდობით აღსავსე და ნდობაზე დამყარებული საზოგადოება ჩამოაყალიბა. მისი ერთ-ერთი ჰადისის თანახმად, შუამავალი მომავლის მუსლიმურ საზოგადოებაში უსაფრთხოებასა და ნდობას  ასე აღწერდა: “ერთი დღე იქნება, ერთი ქალი, მარტო, აქლემზე ამხედრდება და ჰირედან, ჰადრამევთიდან ქააბას მოსალოცად გაემგზავრება. ის გადალახავს უდაბნოებს, მთებს და ქააბას მოილოცავს და ისევ მარტო, ყოველგვარი შიშისა და უნდობლობის გარეშე გადალახავს უდაბნოებსა და მთებს და შინ მშვიდობით დაბრუნდება. აი ეს დრო მენატრება“!

ასე გამოხატავდა შუამავალი იმ საჭიროებას, რასაც მუსლიმურ საზოგადოებაში ნდობა და სანდოობა ჰქოვია.

 

 „ურწმუნოება და უსამართლობა ნდობის დაკარგვის გამომწვევი მიზეზებია“.

დედამიწაზე ნდობა არ ისადგურებს. ამის მიზეზებზე ღმერთი ყურანში ბრძანებს და რწმენასთან ერთად სამართლინობისკენ მოგვიწოდებს. ამრიგად, ნდობის დაკარგვას  ორი მიზეზი აქვს, ურწმუნოება და უსამართლობა. თუ რწმენას უსამართლობაც ახლავს თან, აქ ნდობა იკარგება. გამომდინარე აქედან ვინც ნდობას არ იმსახურებს, ის სრულყოფილი მორწმუნე ვერ იქნება. ვინც დადებულ ფიცს უგულებელყოფს სრულყოფილი მორწმუნე ვერ იქნება.

 

„სულიერი უსაფრთხოების უზრუნველყოფის გარეშე, ქვეყნებისა და ქალაქების უსაფრთხოებას ვერ უზრუნველვყოფთ“.

 

სულიერი უსაფრთხოების უზრუნველყოფის გარეშე, ქვეყნებისა და ქალაქების უსაფრთხოებას ვერ უზრუნველვყოფთ. ჩვენი სულიერი ციხესიმაგრის უსაფრთხოების უზრუნველყოფის გარეშე ვერც სახლებს, ვერც ქალაქებსა და ვერც ქვეყანას უსაფრთხოს ვერ გავხდით. თუ ადამიანი მარჯვენა და მარცხენა მხარზე მოთვალყურე ანგელოზებს ვერ გრძნობს, უსაფრთხოების კამერები ვერაფერს უშველის. სანდოობისკენ მიმავალი გზით თუ გვინდა ვიაროთ, ღმერთის მიერ ბოძებულ ყველა წყალობას უნდა გავუფრთხილდეთ. ადამიანი მხოლოდ ასე გახდება სანდო, როცა ღმერთის მიერ მიბარებულს უპატრონებს. როცა ადამიანი მიბარებულს უღალატებს, ნდობაც გაქრება.

 

  • 23/04/2017
  • 601

კომენტარები

განაახლეთ


სტატიები

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.10.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:56 07:29 13:05 15:59 18:29 19:51
სამშაბათი 05:57 07:30 13:05 15:58 18:27 19:50
ოთხშაბათს 05:58 07:31 13:05 15:57 18:26 19:48
ხუთშაბათი 05:59 07:32 13:05 15:56 18:24 19:47
პარასკევი 06:00 07:34 13:04 15:55 18:23 19:46
შაბათის 06:01 07:35 13:04 15:54 18:22 19:45
კვირა 06:02 07:36 13:04 15:52 18:20 19:43