მოწყალე და მწყალობელი ალლაჰის სახელით

ჩვენ ერთხელ კიდევ ვესწრებით მსხვერპლშეწირვის დღესასწაულს, რომელსაც მრავალი მადლი და სიკეთე გააჩნია და ამ სიხარულის მოზიარენი ვხდებით. ამის გამო, ჩვენ, რაც არ უნდა დიდი მადლიერება გამოვხატოთ და რაც არ უნდა ვადიდოთ დიადი გამჩენი, მაინც ცოტაა. მსხვერპლშეწირვის დღესასწაული, რომელიც წელიწადში ერთხელ მოდის, დღესასწაულთან ერთად ჰაჯის დროა, რომლის დროსაც მუსლიმები ისლამის ხუთი ღვთისმსაურებიდან ერთ-ერთს ასრულებენ. ჰაჯი და მსხვერპლშეწირვის დღესასწაული ჩვენთვის შუამავალ იბრაჰიმის, ისმაილისა და ჰზ. ჰაჯერის ცხოვრებაში გარდასვლის საშუალება ხდება და ამასთანავე ეს არის საშუალება შუამავალ მუჰამმედისა და მისი მეგობრების უზადო ცხოვრების გაცოცხლებისა ჩვენს გონებაში. მსხვერპლშეწირვა და ჰაჯი არის მშვიდობის, ერთიანი ვედრების, ამქვეყნიური სტატუსებიდან გათავისუფლების გზით გათანაბრებისა და თანასწორობის, საკუთარი თავის შეცნობის, ღმერთსა და სამყაროზე ფიქრის, განახლების, მოთმინების, სულის წრთვნის, სხვა არსებების მიმართ პატივისცემის, გაჭირვებულთა და უპოვართა შეწევნის დღესასწაულია.    

ჰაჯის დროს მუსლიმები არაფატს ავსებენ და ღმერთის მიმართ ვედრებას აღავლენენ. მთელი მსოფლიოს მუსლიმები ღმერთის სახელით მსხვერპლს სწირავენ და თაყვანისცემას გამოხატავენ. არაფატში იჰრამში შესული მუსლიმები ადასტურებენ, რომ მხოლოდ ღმერთს უნდა მივეკედლოთ და მის გარდა არ არსებობს სხვა თავშესაფარი. აქ დგომით ისინი ამტკიცებენ, რომ განსხვავება მრავალფეროვნება და წყალობაა, ამქვეყნიური სურვილები დროებითია და ცდუნებების მიმართ ბრძოლა საჭირო და აუცილებელია.  

აქვე ისიც უნდა აღინიშნოს, რომ დღესასწაულები მუსლიმებისთვის სიხარულის დღეები უნდა იყოს, მაგრამ სამწუხაროდ, ისლამურ სამყაროში განხორციელებული ბოლო დროინდელი მოვლენებიდან გამომდინარე, უკანასკნელ ხანებში განცდილი ტკივილების გამო ეს დღესასწაულები სულ დაძაბულობების ფონზე მიმდინარეობს. ისლამი და მუსლიმები რთულ პროცესსა და მძიმე გამოცდას გადიან. მსოფლიოში მიმდინარე პროცესები ცხადყოფს, რომ ჩვენი დასუსტების, ერთიმეორეზე გადაკიდებისა და ქიშპობის გაღვივების მიზნით მრავალი ხერხი გამოიყენება. ადამიანებს შვილებს სტაცებენ, კალმის მაგივრად იარაღს აჩეჩებენ ხელში და ამგვარად სიძულვილის გავრცელების იარაღად იყენებენ. რამდენი ჯარისკაცი, პოლიციელი და რამდენი უდანაშაულო ადამიანი ემსხევრპლა ამ ყველაფერს. ღმერთმა აცხონოს მათი სულები და მათ ოჯახებსა და ახლობლებს მოთმინება და გამძლეობა უწყალობოს. არ უნდა დაგვავიწყდეს, რომ ადამიანების ხოცვა-ჟლეტას და შიშის გავრცელებას ვინც ცდილობს აუცილებლად დამარცხება.    

ამ დღესასწაულის დროს მწუხარების მეორე მიზეზი კი არის ის, რომ „მესჯიდი აყსა“, რომელიც ყველა რელიგიის, ყველა საერთაშორისო შეთანხმების მიხედვით დაცული უნდა იყოს ისრაელის მხრიდან თავდასხმის მუდმივი საფრთხის ქვეშაა.  მესჯიდი აყსა მუსლიმებისთვის ლოცვის პირველი მიმართულება იყო და ეს მეჩეთი განსაკუთრებით მნიშვნელოვანია და მის მიმართ წარმოებული ნებისმიერი სახის პროვოკაცია კატეგორიულად მიუღებელია. ამ თავდასხმების შედეგად დაზარალებულ და დაჭრილ ძმებს გამოჯანმრთელებას და გამძლეობას ვუსურვებთ. გარდა ამისა, ამ დღესასწაულის დღეებში გვახსოვს ხმელთაშუა ზღვის მოვლენები, სადაც ჩაგრული ადამიანები თავშესაფრის ძიებაში სიცოცხლეს ზღვის ფსკერზე ასრულებენ. არ უნდა დაგვავიწყდეს, რომ ეს ადგილები მხოლოდ ლტოლვილთა სასაფლაო კი არა სინდისისა და შემწყნარებლობის სასაფლაოდ გადაიქცა. ხმელთაშუა ზღვაში ჩაძირული ბავშვების ცხედრები, ჩვენი სინდისის ცხედრებად იქცა. 

ასევე ამ დღესასწაულზე მწუხარების ერთ-ერთი მიზეზი ქააბაში მომხდარი უბედური შემთხვევაა, სადაც მოსალოცად ჩასული მუსლიმები დაიღუპნენ. ღმერთმა აცხონოს დაღუპულთა სულები და დაჭრილები მალე გამოაჯანმრთელოს. ეს უბედური შემთხვევა ცხადყოფს, რომ წლების განმავლობაში მიმდინარე ქააბას რესტავრაცია უსწრაფესად უნდა დასრულდეს და მომლოცველთა უსაფრთხოება დაცული გახდეს. 
ყველა ეს ზემოთ ჩამოთვლილი სამწუხარო ამბები ჩვენი. მუსლიმების კიდევ უფრო მეტად დაახლოებისა და ურთიერთთანადგომის მიზეზი უნდა გახდეს. როგორს ისტორიულად ხდებოდა, ეს მძიმე დღეებიც ერთად და ერთიანობით უნდა გადავიტანოთ. ამ მძიმე დღეებში თითოეულ ჩვენთაგანს გარკვეული ვალდებულება გვაკისრია. ჩვენ ფხიზლად უნდა ვიყოთ, რომ ყველა მოსალოდნელი მზაკვრობა გავითვალისწინოთ და უფრო მძიმე შედეგები თავიდან ავიცილოთ. ღმერთის დახმარებით ყველა ამ ტკივილის გაძლებას შევძლებთ და სიმშვიდესა და ბედნიერებას მივაღწევთ. მუსლიმებმა სამართლინობა და შემწყნარებლობა მთელ მსოფლიოს უნდა ვაჩვენოთ. 

ჩვენ უნდა დავამტკიცოთ, რომ იარაღზე ძლიერი გულია, ხოლო ხმალზე ეფექტური- კალამი. ჩვენ ჩვენი ძმებისა და შვილების დაღვრილ სისხლს უნდა ვუთხრათ „არა“. ჩვენ იმედი უნდა ვიყოთ იმ ადამიანებისთვის, რომლების უიმედობაში ცხოვრობენ. ჩვენ ეს დღესასწაული სირიიდან, ერაყიდან და სხვა ქვეყნებიდან მოსულ ლტოლვილებს უნდა გავუზიაროთ. ჰაჯი, არაფატი და ერთიანობის განცდა ჩვენს ქვეყანაში უნდა განვახორციელოთ. 
ამ გრძნობითა და სურვილებით, ჩვენს ძვირფას ხალხს, საზღვარგარეთ მცხოვრებ თანამემამულეებს, ჩვენს სულიერ ძმებს და მთელ ისლამურ სამყაროს ვულოცავ მსხვერპლშეწირვის დღესასწაულს! მსხვერპლშეწირვის დღესასწაულის შემდეგ ახალი სასწავლო წელი იწყება. დიად ღმერთს ვთხოვ, ეს წელი წარმატებისა და სიკეთის წელი ყოფილიყოს. ღმერთო, დაგვიფარე ტერორის, ძალადობისა და მკვლელობებისგან და დედამიწაზე მშვიდობა, ნდობა, უსაფრთხოება და ძმობა დაამკვიდრე.  

  • 28/08/2017
  • 263

კომენტარები

განაახლეთ


სტატიები

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.10.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:56 07:29 13:05 15:59 18:29 19:51
სამშაბათი 05:57 07:30 13:05 15:58 18:27 19:50
ოთხშაბათს 05:58 07:31 13:05 15:57 18:26 19:48
ხუთშაბათი 05:59 07:32 13:05 15:56 18:24 19:47
პარასკევი 06:00 07:34 13:04 15:55 18:23 19:46
შაბათის 06:01 07:35 13:04 15:54 18:22 19:45
კვირა 06:02 07:36 13:04 15:52 18:20 19:43