ლოცვისკენ მოწოდება ახალგაზრდებისათვის

ნუ გგონია მხოლოდ მოხუცებულობაში უნდა წარსდგე ღმერთის წინაშე,

შვილო ჩემო!

ნუ გგონია მხოლოდ მოხუცებულობაში უნდა წარსდგე ღმერთის წინაშე,

ლოცვა, ყველაზე მეტად, შენ გჭირდება.

შვილო ჩემო!

შვილო ჩემო!

50 წლიანი სამწერლო გამოცდილებით და დიდი პასუხისმგებლობით მინდა მოგწერო: მნიშვნელობა არ აქვს რომელ ქვეყანაში ცხოვრობ, რა კულტურის მატარებელი ხარ და როგორი ცხოვრების სტილი გირჩევნია, ვისი შვილი ან შთამომავალი ხარ. მე ამ ქვეყნის შვილს, „ადამის შვილს“გეხმიანები,  მინდა,  შენს ახალგაზრდა გულამდე მოვაღწიო.

შვილო ჩემო!

ნუ გაოცდები, ნუ დაიბნევი, და ნურც იკითხავ,  - „რატომ მაინც და მაინც  მე?“

არ თქვა, - „რატომ ეს თემა?“   ყური დაუგდე ჩემს ხმას,

მინდა ლოცვისკენ მოგიწოდო.

 თვალებში ჩავხედოთ ერთმანეთს და გული გულს შევუწონოთ.

 შენს ხალას გულს,  ხალასი ლოცვის მადლი სჭირდება.

 შვილო ჩემო.

ლოცვა ყველაზე მეტად შენ გჭირდება!

ყველაზე მეტად შენ გჭირდება ვედრება.

ნუ გგონია მხოლოდ მოხუცებულობაში უნდა წარსდგე ღმერთის წინაშე.

არ იფიქრო, თითქოს ხელები რომ აგიკანკალდება მაშინ უნდა აღავლინო ვედრება.

არ გეგონოს მხოლოდ ავადმყოფების,  წაქცეულების და გაუბედურებული ადამიანების საქმეა ლოცვა-ვედრება.

შენ იმას შეხედე, როგორი ადამიანი ხდები, როცა ლოცვას აღასრულებ. როდესაც  გულს გამჩენისკენ მიმართავ შინაგანად როგორ ამაღლებას გრძნობ. როგორი ძალით ივსები და როგორ ხდები სულ სხვა ადამიანი!

შვილო ჩემო!

ვისი შვილიც არ უნდა იყო, შენ ჩემი შვილიც ხარ, ჩემს შვილებთან ერთად მოგმართავ, შენ ჩვენიანი ხარ!

 ამიტომ მთელი სულითა და გულით მოგიწოდებ ლოცვა აღასრულე, ლოცვას ნუ მოწყდები, სისტემატიურად აღასრულე  და ლოცვით იცოცხლე. ნუ დარჩები ლოცვის გარეშე.

ნუ დარჩები ღმერთის გარეშე, ლოცვა მასთან კავშირია, მასთან ახლოს ყოფნა, მას მიეკედლე, მუდამ გახსოვდეს გამჩენელი ღმერთი!

ლოცვა- ეს ყველაფერია.

ლოცვა ღმერთთან კავშირია.

შვილო ჩემო!

ლოცვით ცხოვრება, მართალთა სიცოცხლეა.

მლოცველი ადამიანის სულით დაცემა, წარმოუდგენელია.

დღეში ხუთჯერ შინაგანად და გარეგანად განიწმინდები.

 განა შეიძლება რაიმე ჭუჭყი დარჩეს მასთან, ვინც ყოველდღე ხუთჯერ განიწმინდება, როგორც გარეგანად, ისე შინაგანად?!

შვილო, ეს სამყარო ლოცვითაა გასხივოსნებული. დღეში ხუთჯერ წყლით განიბანები და წყალივით სუფთა გულით იცხოვრებ. სწორედ ეს არის ლოცვის სამყარო.

ლოცვის დროს ქა’ბასკენ დგები. დღეში ხუთჯერ ამ მიმართულებას განაახლებ შენში. დღეში ხუთჯერ გულს აწრთობ და ამ მიმართულებით წარმართავ. ახალგაზრდის ლოცვას არ ახასიათებს ორჭოფობა, დაბნეულობა, შეცდომა. შენ სწორად ივლი, მედგრად ივლი, გამჩენისკენ გადადგამ ნაბიჯს.

თუ ლოცვის არსს ჩასწვდები, დროის ფასს ისწავლი. დრო, ეს არის ღვთიური კალენდარი, რომლის მიხედვითაც გამჩენის წინაშე წარსდგომა განისაზღვრება. დროის დაკარგვა არ შეიძლება. დრო აზრია, ცოდნაა. დრო ღმერთის წინაშე წარსდგომისთვისაა. დრო სიცოცხლეა, დრო ღმრთის საჩუქარია, დრო დისციპლინაა.

შვილო ჩემო!

მხოლოდ იმაზე დაფიქრდი, დღეში ხუთჯერ ლოცვისთვის რომ ემზადები, შენთვის მოწოდებული ღვთიური წვრთნა როგორ ადამიანად გაქცევს. დღეში ხუთჯერ ლოცვისთვის მზადება, საუკეთესო  ადამიანად გაქცევს. 

მოემზადე, გამჩენელის წინაშე წარსადგომად.

მოემზადე,  ღმერთის წინაშე წარსდექი და „ალლაჰუ ექბერ“ წარმოთქვი.

შენში უდიდესი ცოდნა ჩაიტვირთა და შენ ეს გაახმოვანე. შენ, მორწმუნე ადამიანის თავისუფალი გულით წარმოთქვი: „ალლაჰუ ექბერ“!

ალლაჰი დიადია და ის, ყველა და ყველაფერზე მაღლა დგას. ის გვაძლევს ძალას.  ის გვაძლევს სიცოცხლეს და ახალგაზრდობას. „ალლაჰუ ექბერ“, მისი წარმოთქმა აგამაღლებს. თან როგორ მოგიხდება. მიდი, წარმოთქვი. წარმოთქვი ის გამჩენის წინაშე.

ლოცვისას, გამჩენის წინაშე ხარ! ღმერთმა მოგიხმო და მოხვედი. შენც ამბობ: „მოვედი“ . „არ დამვიწყებიხარ, არც დადებული პირობა დამვიწყებია!“

შვილო, ლოცვაზე დგეხარ. მორწმუნე ძმებთან ერთად მხარდამხარ დგახარ. სიცოცხლით სავსე გულით დგახარ. მორწმუნეთა მწკრივებში სიცოცხლით სავსე გულით დგახარ. გვერდით რომ თეთრწვერა მოხუცი გიდგას შენით ძლიერდება და იკვებება. შენ დანახვაზე თვალებში ნათელი ემატება და ცხოვრებას ახალი თვალით უყურებს. შენ ჯემა’ეთს ჰმატებ ძალას, შვილო!

ხელები სუფთა მაქვს. შინაგანად და გერეგანად განწმენდილი წარვსდექი შენ წინაშე. ყველა დაბრკოლება გადავლახე და მოვედი. მინდა ყველაფერი თავიდან დავიწყო. მთელი ძალა მოვიკრიბო და ჩემი რაობა გავიაზრო.

ლოცვაზე დგეხარ შვილო. ფათიჰას კითხულობ. ვედრებას აღავლენ. კითხულობ. გრძნობ ვის წინაშეც დგახარ და მას მიმართავ. შენ გამჩენს ესაუბრები, მის წინაშე ხარ. მას მიმართავ. თითქოს მას ელაპარაკები.

შვილო ჩემო, შეიგრძენი ეს სიახლოვე!

ლოცვის დასრულებისას ამ სიახლოვესთან წვდომის და შენთვის ყველაფრის, მათ შორის ახალგაზრდობის მომნიჭებელი ღმერთის ძლიერება შეიგრძენი კიდევ ერთხელ. ამ გზით მარადიული ახალგაზრდობის არსს ჩასწვდები. აქ იგრძნობ ძალას, რომელიც ჰორიზონტს მიღმა იხსნება. სწორედ აქ მოგეცემა შემართება, რომელიც სიმაღლეების დაპყრობაში დაგეხმარება. აქ იგრძნობ ღირსებასა და ძლიერებას.

შვილო ჩემო, შენ ახლა ლოცვაზე დგახარ, ფეხზე დგახარ, ვედრებას აღავლენ.

წარმოთქვი, „ია ქე ნე’ბუდუ, ვეიაა ქე ნესთე’ინ-მხოლოდ შენ გცემ თაყვანს და მხოლოდ შენ გთხოვ შწევნას“. შენ ღმერთს მიმართავ. ეს სიტყვები ხომ ღმერთმა მოგმადლა, რათა მისთვის გეთხოვა შეწევნა. შენ ახლა ყოველგვარი მონობისგან თავისუფალი ხარ და მხოლოდ და მხოლოდ ღმერთს ეთაყვანები. მხოლოდ ისაა ერთადერთი შემწე, რომელსაც შეგიძლია მიმართო.

დიახ. შენ ლოცვაზე დგახარ.

შუბლზე სეჯდეს კვალი გამჩნია. შუბლზე გამოსახული სეჯდეს ნათელით შუამავლის საჰაბე ახალგაზრდებს ემსგავსები.

შვილო ჩემო, ლოცვაზე დგახარ. მორწმუნე ძმებთან ერთად მხარდამხარ დგახარ. სიცოცხლით სავსე გულით დგახარ. მორწმუნეთა მწკრივებში სიცოცხლით სავსე გულით დგახარ. გვერდით რომ თეთრწვერა მოხუცი გიდგას შენით ძლიერდება და იკვებება. შენ დანახვაზე თვალებში ნათელი ემატება და ცხოვრებას ახალი თვალით უყურებს. მრევლს შენ ჰმატებ ძალას, შვილო!

მეჩეთს შენ კვებავ სულიერად,  შვილო. შენ რომ არა მშივრები დარჩებოდა მეჩეთები. ისინი შენებრ ცოცხალი გულის ნატრული გახდებოდნენ.

შვილო ჩემო!

ისე ლოცვა აღავლინე, როგორც შუამავალი მოგიწოდებს. თითქოს ხელი ჩაგავლო და მლოცველთა მწკრივში დაგაყენა. თითქოს მის უკან მდგარმა წარმოთქვი „ალლაჰუ ექბერ“.

არ ვიცი, სად ხარ ახლა: ქუჩაში დგახარ, ინტერნეტ კაფეში, გასართობ ადგილებში, ტკბილ მუსაიფში თუ სად. ლოცვა მხოლოდ იმამის მოვალეობა არ არის შვილო. ლოცვა მხოლოდ მათი ვალდებულება არ არის, ვინც რელიგიური სწავლება გაიარა. მხოლოდ მორწმუნე ოჯახების შვილების ვალდებულება არ არის ლოცვა. ლოცვა მხოლოდ მექასა და მედინაში დაბადებულთა  საქმე არ გახლავთ, შვილო. მხოლოდ ღარიბებისთვის კი არ არის ლოცვა.

ვინც არ უნდა იყო, შვილო, სადაც არ უნდა იყო, ყველგან ილოცე.

გამჩენთან კავშირს თუ არ გავწყვეტთ, ლოცვის აღსრულება არ უნდა შევწყვიტოთ.

შვილო ჩემო!

ლოცვის გარეშე თუ იცხოვრებ, საათებს, დღეებს ფუჭად გაფლანგავ. ცხოვრების არსი რომ გაიგო, ლოცვა უნდა აღასრულო. „რატომ ვარსებობ?“ ამ კითხვის პასუხს როგორ მიაგნებ, თუ გამჩენს არ მიმართე. შენი გაჩენის მიზანი ლოცვით გაცხადდება, შვილო.

ცხოვრება გართობა და ჭამა-სმა არ არის.

ხურდა ფულივით დასახარჯი არ არის სიცოცხლე.

ყველაზე ძვირფასს, სიცოცხლის დროს თუ ღვთისმსახურებას დაუთმობ, ღმერთი სიცოცხლის ბარაქას შეგმატებს და დროში უფრო მეტ დროს აღმოაჩენ.

ლოცვის გარეშე ცხოვრება, ახალგაზრდობის წლების ფუჭად გატარება წლების შემდეგ დიდ სინანულს გამოიწვევს. დაკარგული დროის ანაზღაურებას და ამ დიდი შეცდომის გამოსწორებას შეძლებ კი?!

შვილო ჩემო!

დაიწყე ლოცვა. დღესვე დაიწყე. რომელი დროის ლოცვასაც ახლა მიუსწრებ იქიდან დაიწყე და ღმერთის წინაშე წარსდექი. მერე ნახე, როგორ გადმოვიდეს შენს შუბლზე თავმდაბლობის ნათელი. ახლავე დაიწყე, რატომ უნდა გადადო?!

ჯერ ახალგაზრდა ხარ, მერეც მოასწრებ, ამნაირ სიტყვებს ნუ მოუსმენ. ამას ადამიანების ენით ეშმაკი ამბობს.

 თაყვანი ეცი შენს გამჩენს. ისაა მოწყალე და მწყალობელი.

  • 10/10/2017
  • 165

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 25.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21