ბარაქიანობის დრო: სამთვეული

ძვირფასო მუსლიმებო!
ჩვენ ახლა უკვე წყალობისა და სიუხვის დროში, წმინდა სამთვეულის პერიოდში ვიმყოფებით. დიდება ღმერთს, რადგან ინება და დაგვასწრო ამ ძვირფას დღეებს. მრავალი „სალათუს სალამი“ ჩვენს შუამავალს, რომელიც სამყაროს წყალობადაა მოვლენილი. რეჯების, შაღბანისა და რამადანისგან შემდგარი ეს წმინდა სამთვეული რეგაიბის ღამით იწყება. შემდეგ არის მირაჯისა და ბერათის ღამეები. სწორედ ამ სამთვეულშია ყადირის ღამე, რომელიც ათას თვეზე უფრო სასარგებლოა. წმინდა სამთვეული დაგვირგვინდება რამადანის ბაირამით, რომელიც ჩვენს ერთიანობასა და ერთსულოვნებას აძლიერებს და სულიერად აგვამაღლებს. ეს სამთვეული ის სასურველი სტუმარია, რომელსაც მთელი წელი ველოდებით და უდიდესი სიამოვნებით ვუმასპინძლებთ. შუამავალი სამთვეულის მოსვლისას ასეთ ვედრებას აღავლენდა: „ღმერთო დაგვილოცე რეჯები და შაღბანი და დაგვასწარი რამადანს“. 
ეს სამთვეული არის დრო, როდესაც ღვთიური წყალობა უხვად ევლინება დედამიწას. ჩვენ ამ ძვირფას თვეებში ჩვენი ცხოვრების ანგარიშს ვაკეთებთ და სიცოცხლის არსს ხელახლა ვწვდებით. ამ დროს ყველაზე უფრო ვცდილობთ ვაკეთოთ სიკეთე, აღვასრულოთ ღვთისმსახურება, ვიყოთ გულმოწყალენი და ავიმაღლოთ სულიერება. ამ დროს ისევ ვიხსენებთ იმ მოვალეობასა და პასუხისმგებლობას, რაც გვაკისრია. 
ძვირფასო მუსლიმებო!
ხუთშაბათი საღამო, პარასკევის დილამდე რეგაიბის ღამეა. ეს არის მადლითა და ბარაქით სავსე დრო. რეგაიბი ნანატრს, სასურველს ნიშნავს. რეგაიბი სამთვეულის დადგომის მომასწავებელია და ასევე ის არის მახარობელი რამადანის თვისა. ეს ღამე გვახსენებს, რომ ადამიანის ცხოვრების ყველაზე დიდი მონაპოვარი ღვთის კმაყოფილებაა. 
ძვირფასო მორწმუნენო!
დიადი ღმერთი წმინდა აიათში ბრძანებს:
„ჰეი თქვენ, რომელთაც ირწმუნეთ! იყავით ალლაჰის წინაშე ღვთისმოსავნი; და დაე, შეხედოს სულმა რა წაიმძღვარა ხვალისთვის. გეშინოდეთ ალლაჰის, უეჭველად, ალლაჰი უწყის, რასაც იქმთ თქვენ!“ (ჰაშრ, 59/18)

ამ ღვთიური მოწოდების შესაბამისად ყოველი მორწმუნე უნდა იყოს ღვთისმოსავი და აკეთოს რაც შეიძლება მეტი სიკეთე. სიკეთის კეთების გზები საკმაოდ ბევრია. ეს შეიძლება გზიდან ისეთი რაღაცის გადაგდებაც იყოს, რომელიც გამვლელებს აწუხებს. ეს შეიძლება იყოს  ადამიანებზე დახმარება, ვისაც ეს სჭირდება. ყოველი სიკეთე მოწყალებაა, ბრძანებდა შუამავალი. ამდენად ცხადი ხდება, თუ რამდენად მრავალი გზა არსებობს საიმისოდ, რომ სიკეთე გავაკეთოთ. თუნდაც ავადმყოფების მონახულება და მათი ნუგეშისცემა. ასევე შეიძლება დონორობის გაწევა. მოკლედ, ყოველი სიკეთე, რომელსაც გავაკეთებთ ამ ძვირფას პერიოდში, დიდი წინსვლა იქნება საიმისოდ, რომ ღვთის კმაყოფილება მოვიპოვოთ. ყურანში ნაბრძანებია:

„და ვინც ადამიანს სიცოცხლეს შეუნარჩუნებს, თითქოსდა მთელი ხალხისთვის შეენარჩუნებინოს სიცოცხლე“. (მაიდე 5/32)

  ძვირფასო მორწმუნენო!
სამთვეული არის წყალობის კარები, რომელიც მორწმუნეთათვის იღება. ეს პერიოდი უნდა გამოვიყენოთ საიმისოდ, რომ ღვთის კმაყოფილებისთვის საჭირო საქმენი ვაკეთოთ. ჩვენი ღვთისმსახურება და სიკეთის კეთება მხოლოდ ერთი დღით ან ღამით არ უნდა შემოიფარგლებოდეს. ეს მთელი ცხოვრება უნდა გაგრძელდეს. ამ განწყობითა და სურვილებით ჩვენს ერსა და მთელ ისლამურ სამყაროს მივულოცავ რეგაიბის ღამეს და დიად ღმერთს ვთხოვ, რომ  ამ სამთვეულის ბარაქა, წყალობა და მადლი ერგოს ყველას და ის გახდეს მიზეზი მთელი კაცობრიობისთვის მშვიდობის, სიკეთისა გადარჩენის დამყარებაში.  

  • 07/03/2019
  • 239

კომენტარები

განაახლეთ


სტატიები

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები

Ramaz Beridze

ისლამი და ახალი წელი

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 21.05.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 03:47 05:45 13:17 17:13 20:37 22:22
სამშაბათი 03:45 05:44 13:17 17:13 20:38 22:23
ოთხშაბათს 03:44 05:43 13:17 17:13 20:39 22:25
ხუთშაბათი 03:42 05:42 13:17 17:13 20:40 22:26
პარასკევი 03:41 05:42 13:17 17:14 20:41 22:28
შაბათის 03:40 05:41 13:17 17:14 20:42 22:29
კვირა 03:38 05:40 13:17 17:14 20:42 22:30