მუსლიმი კარგი მეზობელია

ძვირფასო მუსლიმებო!

ჩემს მიერ წარმოდგენილ აიათში უზენაესი ალლაჰი ბრძანებს:

„თაყვანი ეცით ალლაჰს და არავინ გაუხადოთ თანაზიარი მას. და კარგად მოეპყარით მშობლებს, ახლობლებს, ობლებს, ღატაკებს, მეზობლებს, ნათესავებსა და უცხოებს, თანამოძმეებს, მოგზაურებს და მათ, რომელნიც თქვენმა მარჯვენამ მოიპოვა. უეჭველად, ალლაჰს არ უყვარს, ვინც არიან ქედმაღალნი, მედიდურნი“, (ნისა 36)

ჰადისის მიხედვით კი შუამავალი ბრძანებს:

„ყველაზე კარგი მეზობელი ისაა, რომელიც მეზობელს კარგად ექცევა“. (თირმიზი, ბირ, 28)

 

ძვირფასო მორწმუნენო!

მეზობლობა სოციალური ცხოვრების განუყოფელი ნაწილია. მეზობლები ის ადამიანები არიან, რომლებსაც ყოველდღე ვხვდებით და მათგან ტკბილ სალამს, სითბოს და ყურადღებას ველოდებით. გვყავს მეზობლები სოფლის, უბნის, ქალაქის, რეგიონის და ასე შემდეგ. ასევე გვყავს მეზობელი ქვეყნებიც. ყველა სახის მეზობლურ ურთიერთობებში კი მთავარია ურთიერთგაფრთხილება, სიყვარული, სანდოობა, თანადგომა და სხვა. მეზობელი, რომელიც იცავს მორალურ პრინციპებს, პატივს სცემს ადამიანურ ღირებულებებს, იცავს მეზობლის ღირსებას, დიდი სიმდიდრეა და ამქვეყნიურ წყალობათაგან ერთ-ერთი მნიშვნელოვანი წყალობაა.

ძვირფასო მუსლიმებო!

მეზობლებს ერთმანეთის მიმართ ძალიან ბევრი უფლება-მოვალეობები გააჩნიათ. ამის თაობაზე შუამავალი ბრძანებს:

„ჯიბრილმა მეზობლის შესახებ იმდენი რამ მითხრა, რომ მეგონა მემკვიდრედ დაადგენდა“. 

მეზობლების მიმართ კარგი დამოკიდებულება, მათ მიმართ სიკეთის კეთება იმდენად მნიშვნელოვანია, რომ შუამავალი ამას მორწმუნოების ვალდებულებად მიიჩნევდა.

მორწმუნე ადამიანი მეზობელს გასაჭირში არ მიატოვებს. ის ყოველთვის სულიერად და მატერიალურად მის გვერდითაა. შუამავალი გვირჩევს, რომ მორწმუნე ადამიანმა წვნიანის მომზადებისას საკმარისზე მეტი უნდა მოამზადოს და მეზობელსაც უწილადოს. მორწმუნე ადამიანი მეზობლის ჭირსა და ლხინს იზიარებს. მეზობლების მონახულება, მათი ოჯახის წევრების დაცვა ყველა მორწმუნის მოვალეობაა.

ძვირფასო მორწმუნენო!

სამწუხარო რეალობაა, რომ მრავალი ადამიანი, რომლებიც ერთი და იგივე კორპუსის მაცხოვრებლები არიან, რომლებიც საღამოოობით ერთი და იმავე კედლების შიგნით ცხოვრობენ, ერთმანეთს არ იცნობენ. ისინი არც კი ესალმებიან ერთმანეთს და არც ჭირსა და ლხინს უზიარებენ. თანამედროვე ადამიანი ყოველდღიურ ორომტრიალს არის გადაყოლილი და სულიერებაზე ნაკლებად ფიქრობს. მეზობლებს შორის უფრო და უფრო ნაკლებია თანადგომა, გასაჭირის გაზიარება, მხარში დგომა და სიამტკბილობა.

ძვირფასო მორწმუნენო!

მოდით, ამ პარასკევს, ჯუმის ლოცვისათვის მოსულებმა ჩვენი მეზობლობა, მეზობლური უფლებები და მოვალეობები გავიხსენოთ და დავფიქრდეთ, თუ რამდენად ღირსეული მეზობლები ვართ. ყოველთვის მივესალმოთ მეზობლებს, მოვიკითხოთ, ბავშვებს გავუღიმოთ და მეზობლის ჭირი და ლხინი გულითადად გავიზიაროთ. შუამავალი ბრძანებს, რომ თუ მეზობელი ჩვენგან თავს უსაფრთხოდ არ გრძნობს, სამოთხეში ვერ შევალთ. ეს არის სერიოზული გაფრთხილება და ნიშანი იმისა, თუ რაოდენ დიდი ყურადღება უნდა მივაქციოთ მეზობლობას. მეზობლობას  ყველანაირად უნდა გავუფრთხილდეთ. ან კიდევ, შუამავალი ბრძანებს: „როდესაც მეზობელი მშიერია და თავად მაძღარს სძინავს, ნამდვილი მორწმუნე ვერ იქნება“.  მოდით საკუთარ თავს ვკითხოთ, ბოლოს  მეზობელს როდის ვესტუმრეთ და როდის მოვიპატიჟეთ?

ძვირფასო მუსლიმებო!

მეზობლებთან კარგი ურთიერთოის შენარჩუნება მორწმუნის ვალდებულებაა. მეზობლობაში სიყვარული, პატივისცემა, თანადგომა და შემწყნარებლობა უნდა სუფევდეს, რაც ჩვენი მორალური ვალდებულებაა.

ყველა სიკეთე, რასაც საკუთარი თავისთვის ვისურვებთ, მეზობლისთვისაც იგივე უნდა გვსურდეს.  არავითარ შემთხვევაში ისე არ უნდა მოვექცეთ მეზობელს, როგორც არ გვინდა, რომ მოგვექცნენ. ჩვენ უნდა დავიცვათ ისინი და გულითადი მეზობლობა ვიქონიოთ.       

  • 14/04/2019
  • 195

კომენტარები

განაახლეთ


სტატიები

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები

Ramaz Beridze

ისლამი და ახალი წელი

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი


ქადაგებისქააბადან პირდაპირი ჩართვამედინადან პირდაპირი ჩართვა

სამხრობის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 21.07.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 03:43 05:47 13:26 17:24 20:54 22:44
სამშაბათი 03:44 05:48 13:26 17:24 20:53 22:43
ოთხშაბათს 03:46 05:49 13:26 17:24 20:52 22:41
ხუთშაბათი 03:47 05:49 13:27 17:24 20:52 22:40
პარასკევი 03:48 05:50 13:27 17:24 20:51 22:39
შაბათის 03:50 05:51 13:27 17:23 20:50 22:38
კვირა 03:51 05:52 13:27 17:23 20:50 22:37