ღვთის გულისათვის დაკალი შესაწირი

ძვირფასო მუსლიმებო!

წაკითხულ აიათში ღმერთი ბრძანებს:

„უეჭველად, ჩვენ გიბოძეთ შენ  წყალობა-„ქევსერი“ (მდინარე სამოთხეში).

ილოცე შენი ღმერთისთვის და მას დაუკალი შესაწირი!“ (ქევსერ, 108/1-2)   

ჰადისში კი შუამავალი ბრძანებს: „ადამიანი მსხვერპლშეწირვის დღესასწაულზე, ღვთის გულისათვის, მსხვერპლის შეწირვაზე საყვარელ საქმეს ვერ გააკეთებს“. (თირმიზი, ედაჰი, 1).

 

ძვირფასო მორწმუნენო!

ჩვენი გულები მოიცვა ბაირამის სიხარულმა, რომელიც ღვთის კმაყოფილებას გვაახლოებს და მორწმუნეთა შორის ძმობის კავშირს ამყარებს. უსაზღვრო მადლიერება გამჩენს, რადგან ამ ძვირფას დღეებს დაგვასწრო.

კვირას, 11 აგვისტოს, ყველანი ერთად ამ დღესასწაულს აღვნიშნავთ. ჩვენს მიერ შეწირული მსხვერპლით ღვთისადმი მინდობასა და ერთგულებას გამოვხატავთ, ხოლო მორწმუნე ძმებს დავეხმარებით, დავაპურებთ და ამით მათდამი ურთიერთობის სიყვარულს გავაძლიერებთ.

 

ძვირფასო მუსლიმებო!

მსხვერპლი, მატერიალური და სულიერი გაგებით დიდი პასუხიმგებლობაა. ეს არის ოჯახის წევრებთან, მეგობრებთან, მეზობლებთან, ნათესავებთან და თანამორწმუნე ძმებთან ერთად ღვთიური წყალობის გაზიარება. ეს არის ღვთის გზაზე სიკეთის კეთების, მის მიერ ნაბოძები წყალობის სხვებთან ერთად გაზიარების გამოხატვა. შესაწირით ყველაზე ახლობლებიდან დაწყებული, ღარიბებისა და უპოვრების გული უნდა გავახაროთ. ეს სიხარული ყველას უნდა მივაწვდინოთ და ამ პროცესში მნიშვნელობა არ აქვს კანის ფერს, სამეტყველო ენას ან გეოგრაფიულ მდებარეობას. ამ დღესასწაულის დროს სიკეთის ხელის გაწოდება ისეთი ქვეყნების ტერიტორიებზეც ხდება, რომელთა სახელებიც კი შეიძლება არ ვიცოდეთ. ისეთ ადამიანებს გავახარებთ, რომლებიც არასოდეს გვინახავს. ეს მორწმუნეობის, ძმობის გამოხატულებაა.

 

ძვირფასო მორწმუნენო!

მსხვერპლის შეწირვა კონკრეტულ პერიოდში, კონკრეტული წესების დაცვით პირუტყვის დაკვლა და ხორცის ასევე წესისამებრ მოხმარებაა. მსხვერპლშეწირვა, როგორც ყველა სხვა ღვთისმსახურების ფორმა, ღვთისმსახურის მიერ გულწრფელობას და კონკრეტულ მიზანს მოითხოვს, რაც ღვთისადმი დაახლოების მცდელობაში, ღვთის კმაყოფილების მოპოვების სურვილში გამოიხატება. ეს არის ღვთისმოსაობის სურვილის გამოხატვა. ეს არის მორწმუნეთა მიერ ღვთისადმი ერგულებისა და გულწრფელობის დადასტურება. ყურანის ენით ეს ჭეშმარიტება  შემდეგნაირადაა გამოხატული:

„უსათუოდ ვერ მიაღწევს ალლაჰთან ხორცნი შესაწირისა  და ვერც სისხლნი მისი. მაგრამ მიუვა მას მხოლოდ თქვენი ღვთისმოშიშობა“. (ჰაჯ, 22/37)   

მოდით გავიხსენოთ ადამის შვილების, აბელისა და კაენის გამოცდა, რომელიც მსხვერპლშეწირვის სახით მათი გულწრფელობა უნდა დაედასტურებინა. ამ გამოცდის ჩაბარება აბელმა შეძლო, რადგან მან ღვთიური ბრძანების გათვალისწინებითა და მთელი გულწრფელობით შესწირა. რაც შეეხება კაენს, მან გამოცდა ვერ ჩააბარა, რადგან გულწრფელი არ იყო და ანგარება ამოძრავებდა. ყველა ღვთმსახურების არსი გულწრფელობაა.

ასევე გავიხსენოთ შუამავალი იბრაჰიმი და მისი ვაჟი.მძიმე გამოცდის სახით, შუამავალმა და მისმა შვილმა მთელ კაცობრიობას აჩვენეს, რომ ღვთის გზაზე ყველაფერს უყოყმანოდ გაწირავდნენ.

ჩვენი შუამავალიც გარდაცვალებამდე ყოველ წელს მსხვერპლს წირავდა. შეწირულ ხორცს თავადაც მიირთმევდა, ოჯახის წევრებიც, მეგობრებსაც უნაწილებდა და ღარიბებსაც.

 

ძვირფასო მორწმუნენო!

ამ წელს ჩვენი დევიზის, „მსხვერპლი გაუზიარე, ძმას დაუახლოვდი“ ფარგლებში, შეწირული მსხვერპლის ხორცი მთელ ქვეყენაში დანაწილდება. შესაწირი დიდი ყურადღებითა და წესების დაცვით იმ ადამიანებს უნდა მივაწვდინოთ, რომლებსაც სჭირდებათ. ამით ჩვენ ძმებთან სიყვარულის ხიდებს ავაგებთ და ძმობას გავაძლიერებთ. ისლამში არსებული თანადგომისა და ქველმოქედების ტრადიცია მთელ კაცობრიობას სწვდება და ჩვენ ეს ყოველთვის უნდა შევინარჩუნოთ.

არ უნდა დაგვავიწყდეს, რომ შესაწირის ყოველი წილი, ათასობით ვედრების სახით უკანვე დაგვიბრუნდება.

ამრიგად, უსაზღვრო მადლიერება მივუძღვნათ გამჩენს, რათა მოგვასწრო ამ ძვირფას დროს, ამ დღესასწაულს. დიად ღმერთს ვთხოვთ, როგორც ჩვენი შესაწირი, ისე ყველა სახის ღვთისმსახურება, მის წინაშე მიიღოს და მოგვიტევოს.

  • 07/08/2019
  • 215

კომენტარები

განაახლეთ


სტატიები

Mukhran Abashidze

განგების კვალდაკვალ

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები

Ramaz Beridze

ისლამი და ახალი წელი

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში


ქადაგებისქააბადან პირდაპირი ჩართვამედინადან პირდაპირი ჩართვა

საღამოს ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.09.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:23 06:56 13:13 16:36 19:18 20:41
სამშაბათი 05:24 06:57 13:13 16:34 19:16 20:39
ოთხშაბათს 05:25 06:58 13:12 16:33 19:14 20:37
ხუთშაბათი 05:26 06:59 13:12 16:32 19:13 20:35
პარასკევი 05:28 07:00 13:12 16:31 19:11 20:33
შაბათის 05:29 07:01 13:11 16:29 19:09 20:31
კვირა 05:30 07:02 13:11 16:28 19:07 20:30