მზად ხარ?!

მზად ხარ?!

წარმოიდგინე, მთელი დედამიწა, შუამავლის მესჯიდია...
წარმოიდგინე, ყოველ მიჰრაბში 
სამყაროს უწმინდესი ხმა ისმის
ყოველ მინბერთან მისი წმინდა სუნთქვა
სიცოცხლეს სწყალობს არსებებს
ყოველ ქურსზე ის არის
სამყაროს მანათობელი და 
გულთამპყრობელი
მასწავლებელი ყოველი წიგნის
წარმოიდგინე, მას ეკუთვნის ყოველი ხმა ჭეშმარიტი
ყოველ სტრიქონში წერია მასზე და
ყველა და ყველაფერი ცდილობს მის განდიდებას
ის გვეძახის ყოველი მხრიდან, გადარჩენისთვის
წარმოიდგინე მისია ყოველი სასწავლებელი,
სადაც აღიზარდა ბრწყინვალე ასჰაბი
ყოველი სკოლა, იმ წმინდა მესჯიდს უკავშირდება.
წარმოიდგინე, სიზმარში ყოველთვის მას ხედავ...
წარმოიდგინე, ის ხელს გიწოდებს, გეძახის, გეხმიანება...
მზადა ხარ?! შეეკითხე შენს გულს, 
მზად ხარ იყო მისი ერთგული მიმდევარი?!
შენს თავს, კითხე, კითხე, კითხე...
მზად ხარ?! ხელი ჩაკიდო და მადლმოსილ ხელზე ეამბორო მას?!
მზად ხარ?! ხმა მიაწვდინო მას? 
მზად ხარ?! მიჰყვე მის კვალს?
წარმოიდგინე, როგორ გაიზარდა რავზა შენს სულში
გაიზარდა, გაიზარდა და მთელი სამყარო გახდა.
მზად ხარ შუბლი შეახო სამოთხის მიწას?!
წარმოიდგინე, რომ ის შენს კართან დგას...
გულის კართან...
მზად ხარ გაუღო?!
წარმოიდგინე, გზაზე მიმავალს შემოგეფეთა,
მზადა ხარ უთხრა, ყველაფერი რაც ძვირფასია ჩემთვის მხოლოდ შენ გეკუთვნის!!!
წარმოიდგინე, რომ მან გითხრა მოგეხსნა ბორკილები,
მოგეხსნა რაც გბოჭავდა...
შენ მზად ხარ?! გათავისუფლდე ბორკილებისგან?!
წარმოიდგინე ჰირას გამოქვაბულიდან ჩამობრძანდა და გითხრა:
“წაიკითხე! წაიკითხე! წაიკითხე!..”
“წაიკითხე, შენი გამჩენის სახელით!”
გრძნობ იმ სიღრმეს, გაჟრჟოლებას, მღელვარებას...
ჯებრაილთან შეხვედრით შთაგობენულ სიმძიმეს...
მზად ხარ გაიგო სამყაროს ფურცლებზე ღვთიური ანარეკლის? მზად ხარ ამოიკითხო ეს საოცრება?!
მზად ხარ, იტვირთო ჰატიჯეს ხვედრი?!
ან, აბუ ბაქარის მსგავსად ყოველ ძარღვში თუ დაგივლის ერთგულება?!
მზად ხარ?! როგორც ალიმ,
ჯერ კიდევ ბავშვმა, იგემო რწმენა?!
და დაწვე სიკვდილის სარეცელზე მის მაგივრად?!
მთელი გულითადობით, მზად ხარ იყო ალი?!
მზად ხარ, შეეწირო რწმენას, როგორც სუმეიე, იასირი?!
მზად ხარ იტვირთო ბილალის ხვედრი?!
ანდა, ხარ კი – მზად იყო ომარი?!
ქვრივებისა და ობლების წინაშე სამართლიანობისა და მოწყალების მაგალითი, ომარი.
მზად ხარ იყო ოსმანი? უზადოდ ზრდილი და დავმდაბალი. ხელგაშლილი და საქებარი.
შენ, შენ რას ფიქრობ, რომელ ნანატრ დროს მოვა ის, შენს გულში?!
როდის, როგორ, რომელ ნანატრ დროს გაიფურჩქნება შუამავლის ვარდი შენს გულში?!
მან რომ წაგიკითხოს ყურანი... ჰო, ჰო მან რომ წაგიკითხოს... სულ რომ მან გიკითხოს!
რას იზამდი?!
ხარ მზად? აღივსო ყურანის მადლით?!
ხარ მზად? გაითავისო და შენად გაიხადო?!
“თუ არ იწამებთ, ვერ იგემებთ სამოთხეს! თუ არ შეიყვარებთ ერთმანეთს, - ვერ იწამებთ!”
ხარ მზად? მორწმუნე ძმის მიმართ ყოველგვარი ბოროტება დაივიწყო?!
მზად ხარ დაიცხრო შური და მრისხანება?!
მზად ხარ განიწმინდო გული შენი?!
მზად ხარ ილოცო ასე: “ღმერთო მომმადლე სიყვარული,
მიუტევე ჩემს ძმებს, გამინათე სული ჩემი”!
მზად ხარ მუჰაჯირთა და ენსართა მსგავსად მორწმუნე ძმას მთელი გულით გაუზიარო, რაც გაგაჩნია?!
მზად ხარ თავი მიწამდე დახარო, ებუ ზერის მსგავსად?!
ქვეყნიერების ბატონის მოწოდება დღესაც გრძელდება.
ნახე, გეუბნება “მოდი ჩემთან”!
და ეს უსასრულო ძახილი გესმის მუდამჟამს. 
მზად ხარ ხელი ხელს ჩაკიდო, მადლმოსილი ხელი...
ფიცის მისაღებად მის ნათელმოსილ ხელზე...
ხარ მზად, შენი ხელიც შეაშველო?!
მზად ხარ იკითხო? როგორ მოვა შუამავალი შენს ცხოვრებაში?!
“ადამიანს ვინნც უყვარს, მასთან ერთადაა”. 
მზად ხარ მთელი ფიქრით და არსებით იყო მასთან?!
რამდენად ახლოს ხარ მასთან, ქცევით, მორალით, თაყვანისცემით?!
ჰკითხე შენს თავს, მზად ხარ მასთან ერთად ყოფნისთვის?!
წარმოიდგინე, როგორ მოექცა ის ალყაში ჰუნეინში.
უჰუდში, სადაც სისხლი სდიოდა...
როდესაც ჰამზას გულსა და ღვიძლს ფლეთდნენ,
როცა მუსაბი განგმირული დაეცა!
რა მოხდებოდა?!
რა მოხდებოდა შენს გულში?!
რას იგრძნობდი მაშინ?!
“თუ მუჰამმედი მოკლეს, ჩვენ რაღატომ ვიცოცხლოთ” - იტყოდი ამას?!
იქნებოდი დედა, რომელმაც შვილი დაკარგა?!
ქალი, რომელმაც ქმარი დაკარგა?!
იკითხავდი? “უპირველესად მითხარით შუამავალი როგორაა?!”
ვინ იქნებოდი უჰუდში?!
მოდი შენი სულით, მოდი შენი ქონებით, მოდი რითიც გინდა, მაგრამ აუცილებლად მოდიო, რომ დაგიძახებდნენ, ვინ იქნებოდი მაშინ?!
მოიმიზეზებდი რამეს, თუ?...
მთელი შენი ავლადიდებით გზას დაადგებოდი...
სახლში ღმერთი და მისი შუამავალი დავტოვეო, თუ იტყოდი იმ ადამიანების მსგავსად? 
წამით გააჩერეთ ყოველი ტრიბუნა,
ყველა ხმა დაახშეთ, წამით!
წამით გადაკეტეთ გულისკენ მიმავალი ყველა გზა
და...
ერთხელ მოუსმინე!
კიდევ ერთხელ მოუსმინე მას!
კიდევ ერთხელ გაუხსენი გული!
გულს მოუსმინე!
გახდი სხვა ადამიანი!
დაე იგრძნოს შენმა ხელმა, მისი ხელის სიმხურვალე, 
წამით...
მოგენატროს, წამით...
დაყოვნდი წამით!
მისთვის დაიწვი, წამით...
მისი სურვილით,
წამით,
აღივსე მისი მადლით, წამით...
უმისოთ, არცერთი, წამით!
დაინახე მის კვალზე მავალნი წამით!
შეიყვარე, წამით...

მოვიდა შენამდე, 
გამოარღვია საუკუნეები
და შენ ჩაგძირა მასში 
დროა ყველაფერი თავიდან აიგოს,
თავიდან აითვალოს დრო.
თავიდან გავხდეთ მისი მიმდევრები,
თავიდან გავხდეთ მართლმორწმუნენი,
და ვაღიაროთ “ღმერთი ერთი”!
და მუჰამმედი მისი მონა და შუამავალი”!
დროა რწმენისა!
სულ მუდამ გვესმის მისი ხმა...
გვეძახის, გვიხმობს, ხელს გვიწვდის...
მივაპყროთ სმენა...
გულისთქმა, მზერა...
დადექ ქააბასკენ ხელაპყრობილი,
სუფთა ხელებით,
სუფთა თვალებით,
სუფთა გონებით
და სუფთა გულით...
მთელი შენი არსებით განეწყვე
შუამავალთან შესახვედრად...
იგი შენს კართან დგას...
და... შენ ამისთვის მზად ხარ?! 
შენ მზად ხარ?!
შენ მზად ხარ?!
ღმერთო,
შუამავალმა, ის უმეცრების ხანა ბედნიერების ეპოქად გადააქცია. გვაღირსე ამ მოდერნიზებული უმეცრების ხანის შეცვლა და ისევ ბედნიერების ეპოქას გვაზიარე.
ღმერთო,
შენმა რჩეულმა კაცობრიობას ულევი სიყვარული, მოწყალება და ბარაქა უწილადა. მოგვმადლე ჩვენც ეს სიკეთე. 
ჩვენ, ჩვენი შთამომავლობა, ჩვენი ქვეყანა და მთელი ისლამური სამყარო მისი ულევი სიყვარულის ჩანჩქერით დაგვანაყრე.
ამინ!



მოუსმინე მას!
ახლიდან მოუსმინე.
ხელახლა გაუხსენი გული
წარსდგეს წამით შენს წინაშე
სულ სხვა ადამიანად გადაიქეცი
წამით, შენმა ხელმაც იგრძნოს მისი ხელის სიმხურვალე
მასთან ერთად გენატრებოდეს
მისით აღივსე წამით
მისთვის დაიწვი წამით
დაიწვი მისი სიყვარულით 
აღივსე მისით
მის გარეშე არ დარჩე წამით.

 

  • 26/01/2015
  • 1461

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 20.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21