მარხვა

მას, რასაც მიველტვით დღეში ხუთჯერადი ლოცვის დროს, ვღებულობთ მარხვაში, რომელსაც ვიცავთ წელიწადში ერთხელ, რამაზანის თვეში (მთვარის კალენდრის მეცხრე თვეს). მარხვის დროს განთიადიდან დაღამებამდე არაფერს არ ვჭამთ და არ ვსვამთ რაც არ უნდა მშიერი და მწყურვალი ვიყოთ. რა გვაიძულებს ასე მოვიქცეთ? სხვა არაფერი, თუ არა რწმენა ღვთისა და განკითხვის დღისა. მარხვის ჟამს ვრთგუნავთ საკუთარ ვნებებს და სურვილებს. მოვალეობის ეს შეგნება და მოთმინების სული, რომლებსაც წარმოქნის ჩვენში უწყვეტი მარხვა ერთი თვის განვალობაში, ამყარებს ჩვენს რწმენას. მარხვა ზოგადად უდიდეს გავლენას ახდენს საზოგადოებაზე, რადგან საზოგადოებრივი მდგომარეობის მიუხედავათ, ყველა მუსლიმი ვალდებულია ერთდროულად შეინახოს მარხვა. ეს ასევე არის საყოველთაო თანასწორობის გამოხატულება, რომელიც ბადებს ადამიანებში სიყვარულის და ერთიანობის გრძნობას. რამაზანის დროს სიკეთე უფრო თვალსაჩინო ხდება და ირგვლივ ყოველივეს აღავსებს ღვთისმოსაობით და სიწმინდით. მარხვის შენახვა, ჩვენივე სიკეთისთვის არის დადგენილი. იმას, ვინც არ აღასრულებს თავის უპირველეს მოვალეობას, ვერ დაეყრდნობი ვერაფერში, მაგრამ, უარესნი კაცთა შორის, არიან ისინი, ვინც წმინდა თვის განმავლობაში, უყოყმანოდ არღვევენ მარხვას. ეს ადამიანები საკუთარი საქციელით აჩვენებენ, რომ არაფრად აგდებენ ალლაჰის მცნებებს, რომ ისინი არა თუ არ არიან მუსლიმური თემის ერგული წევრები, არამედ არავითარი საერთო არ გააჩნიათ მასთან.
რა არის მარხვა?
ისლამის ძირითად ღვთისმსახურებათაგან ერთ-ერთი რამაზანის თვეში მარხვაა. მარხვა უზენაესი ღმერთის კმაყოფის მიზნით, ცისკარიდან, მზის ჩასვლამდე ჭამა სმისა და სხვა ფიზიკური მოთხოვნილებებისგან თავის შეკავებაა, რომელიც სხეულით სრულდება.
რატომ ვმარხულობთ?
فَمَنْ شَهِدَ مِنْكُمُ الشَّهْرَ فَلْيَصُمْهُ 
...და თქვენგან ვინც იხილოს ეს თვე, იმარხულოს მასში... სურა ბაყარა 2/185

 
 

მარხვა: უზენაესი ალლაჰის ბრძანების, მასთან დაახლოებისა და მისი კმაყოფილების მოხვეჭის მიზნით სრულდება. რადგანაც ჩვენ როგორც ადამიანი გვმართებს გამჩენი ალლაჰის წინაშე, სიყვარული, პატივისცემა და მადლიერება. ვინაიდან მხოლოდ იგია თაყვანისცემის ღირსი. და მხოლოდ მისი ხელწიფების ქვეშაა ჩვენი ღვთისმსახურებებს შეფასება. ეს უდიდესი პატივი რომელიც წილად ერგო ადამიანს და მისი ამ ქვეყნად მოვლენის მიზანი გამჩენისადმი ღვთისმსახურებაა. ადამიანი მარხვით ავლენს ალლაჰისადმი სიყვარულს, პატივსა და მისდამი ერთგულებას. მარხვა ხელს უწყობს მოწყალისადმი დაახლოებას. ასეთნაირად მის სიყვარულს, პატივსა და კმაყოფას მოვიპოვებთ და მისდამი მადლიერებას გამოვხატავთ.
ვის ევალება მარხვის შენახვა?
ყველა ჯამრთელი, ჭკვიანი და ზრდასრული მუსლიმის ვალია შეინახოს მარხვა. უზენაესი ალლაჰი: يَا اَيُّهَا الَّذٖينَ اٰمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذٖينَ مِنْ قَبْلِكُمْ لَعَلَّكُمْ تَتَّقُون 
ჰოი თქვენ, რომელნმაც ირწმუნეთ! სავალდებულო გახდა თქვენდა მარხვა[1], როგორც სავალდებულო იყო მათდა, ვინც თქვენ უწინარეს იყო, ეგების დაცული იქმნეთ ყოველივე ცუდისაგან. სურა ბაყარა 2/183 გვიცხადებს, რომ მარხვა სავალდებულო ღვთისმსახურებაა.
რა არის მარხვის ძირითადი პირობები?
მარხვისათვის “ნიეთის“ გაკეთება, მარხვის შენახვის დასაწყისისა და დასასრულის ცოდნა, ცისკარიდან მზის ჩასვლამდე “ وَكُلُوا وَاشْرَبُوا حَتّٰى يَتَبَيَّنَ لَكُمُ الْخَيْطُ الْاَبْيَضُ مِنَ الْخَيْطِ الْاَسْوَدِ مِنَ الْفَجْرِ ثُمَّ اَتِمُّوا الصِّيَامَ اِلَى الَّيْلِ 
...ჭამეთ და სვით, ვიდრე განთიადისას თეთრი ძაფი განირჩევოდეს შავი ძაფისგან. მერე სრულჰქმენით მარხვა ღამემდე“... სურა ბაყარა 2/187
მარხვის მომშლელი ფაქტორებიდან თავის შეკავება.
ვის ეძლევა ნება, რომ არ შეინახოს სავალდებულო მარხვა?
اَيَّامًا مَعْدُودَاتٍ فَمَنْ كَانَ مِنْكُمْ مَرٖيضًا اَوْ عَلٰى سَفَرٍ فَعِدَّةٌ مِنْ اَيَّامٍ اُخَرَ وَعَلَى الَّذٖينَ يُطٖيقُونَهُ فِدْيَةٌ طَعَامُ مِسْكٖينٍ (მარხვა გევალებათ) განსაზღვრულ დღეებში. თუ რომელიმე თქვენთაგანი ავადაა, ან გზაში, იმარხულოს ამდენივე სხვა დღეებში. ხოლო იმათ, ვისაც შეუძლია(მაგრამ ვერ მარხულობენ უკურნებელი სენის ან სიბერის გამო) გამოისყიდონ უპოვრის გამოკვებით (დილის და საღამოს საკვებით). სურა ბაყარა 2/184 
ავადმყოფებს, გზაში მყოფებსა და მოხუცებს რომელთაც მარხვის შენახვა ფიზიკურად არ შეუძლიათ. ავადმყოფი გამოტოვებულ მარხვას კანკურვნის შემდეგ აანაზღაურებს. ამას „სევმულ ყაზა“ ეწოდება. მგზავრებიც სახლში დაბრუნების შემდეგ გამოტოვებულ დღეებს აანაზღაურებენ, მაგრამ თუკი ისურვებენ მგზავრობის დროსაც მარხვა მიზანშეწონილია. მოხუცები რომელთაც არ ძალუძთ მარხვის შენახვა ან ავადმყოფები რომელთაც უკურნებელი სენი აქვთ, თუკი საშუალება აქვთ ფითრას გადაიხდიან (გამოისყიდიან თავიანთ სავალდებულო მარხვას). ფითრა; უპოვრის დილის და საღამოს საკვებით გამოკვების ტოლფასი ფულია. ფითრის გადახდა რამაზანის თვის ყველა დროს არის შესაძლებელი.

როგორ უნდა გაკეთდეს მარხვის ნიეთი?
მარხვისათვის ნიეთის გაკეთება ერთ-ერთი პირობაა. ნიეთი იფთრის[2] ან იასლუღის[3] მირთმევის შემდეგ “განვიზრახე ალლაჰის კმაყოფილების სურვილის მოსაპოვებლად სავალდებულო მარხვის შენახვა“ აი ასეთნაირად კეთდება განზრახვა. აუცილებლად ამ წინადადების წარმოთქმა სავალდებულო არ არის. გულშიც გავლა განზრახვად ჩაითვლება. ასევე იასლუღიც განზრახვად ჩაითვლება.

რეზო მიქელაძე
26/08/2014
[1] მ6რხვა: გარიჟრაჟიდან დაღამებამდე ე.ი. დღის მონაკვეთში ჭამა, სმისა და სქესობრივი კავშირისგან თავის შეკავებაა. რომელიც წელიწადში ერთი თვეა, და სრულდება თვარის კალენდარის მიხედვით მეცხრე თვეს რამაზანის თვეში.
[2] მარხვის შეწყვეტის დრო
[3] საჭმლის მირთმევა მარხვის დაწყების დროს

 

  • 26/01/2015
  • 2247

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

ღამის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21