ომბუდსმენი: მუსლიმებს ეზღუდებათ რელიგიის და გადაადგილების თავისუფლება

2014 წლის 10 სექტემბერს, ქობულეთში, ლერმონტოვის ქუჩა N13-ში მდებარე მუსლიმთა პანსიონის ფუნქციონირებისთვის ხელის შეშლის მიზნით შეკრებილმა მოქალაქეებმა შენობის შესასვლელთან დაკლეს ღორი და მისი თავი პანსიონის კარზე მიამაგრეს

 

სახალხო დამცველი ქობულეთში მუსლიმების წინააღმდეგ რელიგიური შეუწყნარებლობის მორიგი ფაქტის შესახებ განცხადებას ავრცელებს. მისი თქმით, ქობულეთში მიმდინარე მოვლენები რელიგიური შეუწყნარებლობის განსაკუთრებით საგანგაშო გამოხატულებაა.

"მუსლიმ მოქალაქეებს ეზღუდებათ რელიგიის და გადაადგილების თავისუფლება, ილახება მათი პატივი და ღირსება. პანსიონში სწავლისა და ცხოვრების მსურველ ბავშვებს ეზღუდებათ საერთაშორისო და ეროვნული კანონმდებლობით გარანტირებული ბავშვის ძირითადი უფლებები, მათ შორის განათლების უფლება და რელიგიის თავისუფლება.

2014 წლის 10 სექტემბერს, ქობულეთში, ლერმონტოვის ქუჩა N13-ში მდებარე მუსლიმთა პანსიონის ფუნქციონირებისთვის ხელის შეშლის მიზნით შეკრებილმა მოქალაქეებმა შენობის შესასვლელთან დაკლეს ღორი და მისი თავი პანსიონის კარზე მიამაგრეს. ადგილობრივი მართლმადიდებლები დღემდე ეწინააღმდეგებიან პანსიონის ამოქმედებას. აქციის მონაწილეებს გადაკეტილი აქვთ შესასვლელი გზა და მოსწავლეებს არ ეძლევათ შენობაში შესვლის შესაძლებლობა. სახალხო დამცველის რწმუნებული ამ პერიოდის განმავლობაში აკვირდება და სწავლობს ქობულეთში განვითარებულ მოვლენებს. ადგილობრივი მუსლიმების განმარტებით, მოსახლეობის ერთი ჯგუფის შეუწყნარებელი ქმედებები პანსიონის გახსნის წინააღმდეგ უკვე რამდენიმე თვეა გრძელდება.

სახალხო დამცველი მიიჩნევს, რომ არსებულ ვითარებაში მხარეთა შორის დიალოგით შემოფარგვლა საკმარის პირობას არ წარმოადგენს სიტუაციის განმუხტვის, მუსლიმთა შელახული უფლებების აღდგენის, დისკრიმინაციის დაძლევისა და შეუწყნარებლობის პრევენციისათვის.

სახალხო დამცველი კიდევ ერთხელ მოუწოდებს სამართალდამცავ ორგანოებს, ყველა ზომას მიმართონ საიმისოდ, რომ ქობულეთის მუნიციპალიტეტში უზრუნველყონ მუსლიმი მოქალაქეებისთვის რელიგიის თავისუფლებით სარგებლობა, რეაგირება მოახდინონ მათ წინააღმდეგ რელიგიური ნიშნით დისკრიმინაციაზე და მათთვის გადაადგილების შეზღუდვის ფაქტებზე", - აცხადებს სახალხო დამცველი.

  • 28/01/2015
  • 1457

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 22.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21