ექსკლუზიური ინტერვიუ – „თარხანს ბინ ლადენის ადგილზე მოიაზრებენო. ღმერთო დაიფარე მაგისგან“

ეგ ისეთ წრეშია ჩაბმული, იქიდან გამოსვლა აღარ შეიძლება. მე ქრისტიანი კაცი ვარ. ღმერთმა დაიფაროს ყველა, ეს ამბავი, რასაც ეგენი ამბობენ, რომ გამართლდეს. თარხანს „ალ ყაიდას“ შტაბში ბინ ლადენის ადგილზე მოიაზრებენო. ღმერთო დაიფარე მაგისგან“, – ამბობს კახეთ

თარხან ბათირაშვილი, რომელიც აშშ–ის სახელმწიფო დეპარტამენტმა ტერორისტულ საქმიანობაში ეჭვმიტანილთა შავ სიაში შეიყვანა, 28 წლის არის. 2010 წლამდე ის პანკისის ხეობის სოფელ ბირკიანში ცხოვრობდა და საქართველოს შეიარაღებულ ძალებში მსახურობდა. 2008 წელს, ბათირაშვილი ფრონტის ხაზზე იყო, რუსეთის ტანკებს თვალყურს ადევნებდა და მათ კოორდინატებს ქართულ საარტილერიო ნაწილებს გადაცემდა. 2010 წელს ტუბერკულოზი დაუდგინეს და სამხედრო სამსახურიდან დაითხოვეს. იმავე წელს თარხან ბათირაშვილი იარაღის უკანონოდ შენახვის ბრალდებით დააკავეს და 3 წლით თავისუფლების აღკვეთა მიუსაჯეს. ბათირაშვილი პატიმრობიდან 2012 წლის იანვარში ამნისტიის შედეგად გათავისუფლდა. სასჯელის მოხდამდე მას რამდენიმე თვე ჰქონდა დარჩენილი. ციხიდან გათავისუფლების შემდეგ საქართველო დატოვა.

ჯიჰადისტი მეთაური 2013 წლის ზაფხულში გამოჩნდა ჩრდილოეთ სირიაში და სათავეში უდგას ალ ყაიდასთან დაკავშირებულ ტერორისტულ დაჯგუფება The Islamic State of Iraq and the Sham (ISIS)-ს. ამ დაჯგუფებამ დაარბია სირიის მთავარი სამხედრო ბაზები, სიკვდილით საჯაროდ დასაჯეს ადამიანები და სასტიკი ძალადობით დაჩრდილეს მეამბოხე ჯგუფები, რომლებიც სირიის პრეზიდენტ ბაშარ ალ-ასადის ჩამოგდებას ცდილობენ. ბათირაშვილთან დაკავშირებით ინფორმაციას და მის ინტერვიუებს ვებგვერდი fisyria.com ავრცელებდა, რომელიც ამჟამად მიუწვდომელია. ერთ–ერთ ასეთ ინტერვიუში თარხან ბათირაშვილი აცხადებდა, რომ ციხემ ის შეცვალა: „მე დავპირდი ღმერთს, რომ თუ ციხიდან თავს ცოცხალი დავაღწევდი, ჯიჰადისთვის ვიბრძოლებდი ღმერთის გამო“.

„ნაციონალებმა“ დამიღუპეს შვილი. არ უნდოდათ ასეთი ჯარისკაცი ჰყოლოდათ?“, – ამბობს თარხან ბათირაშვილის მამათემურ ბათირაშვილი. მისი მეორე შვილიც თარხანთან ერთად სირიაშია.

„ტუბერკულოზი რომ აღმოაჩნდა, ოპერაციაც კი არ დაუფინანსეს. ეგ ხომ მსახურობდა, უკვე ოფიცრის წოდება ჰქონდა. რომ გამოჯანმრთელდა, კომისიაზე გაატარეს, მაგრამ სამსახურში აღარ დააბრუნეს. პირდებოდნენ, თელავში მოგაწყობთო, იქ მიგიღებთო, აქ მიგიღებთო, ტყუილად ატარეს. ძალიან ბევრი ეცადა... მერე მოვიდა და მითხრა, მამა, როგორც ვატყობ, ამ ქვეყანას ჩემი თავი აღარ სჭირდებაო. წავიდა და წავიდა. იმის შემდეგ თარხანი გინახავს შენ, აღარც მე მინახავს.

- როდის დააკავეს და რატომ დააკავეს?

- ღამით, ჩემი მეორე შვილის თამაზის ცოლი და პატარა ბავშვი ჩემთან იყვნენ. დავწექით და დავიძინეთ. დაახლოებით ორის ნახევარზე ბრახა–ბრუხის ხმა გავიგე აივანზე. ამ დროს ვინ არიან მეთქი. შემოაღეს ჩემი ოთახი, ძია კაცო, აბა ადექი ფეხზეო. ავანთე სინათლე, ავდექი და რას ვხედავ, მთელი ჯარი დგას აივანზე. ვინ ხართ მეთქი? ჩვენ შენი სახლი უნდა გავჩხრიკოთო. გარეთ გამოვიხედე ფანჯრიდან, ეზო სავსეა ჯარისკაცებით. ვაა რა ხდება, პოლიციასთან არასდროს საქმე არ მქონია, არც ჩემი შვილები არიან ასეთი ატეხილები, რომ რამე დააშავონ მეთქი. ჩვენ თქვენი სახლი უნდა გავჩხრიკოთო. გაჩხრიკეთ მეთქი ვუთხარი. თარხანს თურქეთიდან საძილე ტომრები, ფეხსაცმელი და ტანსაცმელი ჰქონდა ჩამოტანილი გასაყიდად. როცა მიხვდა, რომ სამსახურში აღარ იღებდნენ, მშივრები არ დავიხოცოთ, ცოტას ვივაჭრებო. იმ ოთახში ჰქონდა ეგ ნივთები. თვითონ იმ ღამით, როცა დაგვადგნენ, სახლში არ იყო.

- გასაყიდად ჰქონდა?

- ჰო, გასაყიდად ჰქონდა. ამ დროს მეზობლებიც აიშალნენ, მოვიდნენ, რაშია საქმეო მეკითხებიან. არ ვიცი მეთქი. ეს სამხედრო ხალხი, ზოგი სხვენში ადიოდა,ზოგი იატაკს ყრიდა, გამოვიხედე, ნაკვეთში დადიან, გზა მანქანებით იყო სავსე.

დიდება შენდა ღმერთო, რა ამბავია მეთქი, ვამბობდი. ამ დროს დამიძახეს, აბა ძია კაცო მოდიო. მივედი ტახტთან. ტახტის ქვეშიდან გამოათრია მუყაოს ყუთი სავსე ავტომატის პატრონებით. ხომ გითხარით, დღეში 20-ჯერ უნდა ავიდე-ჩავიდე იმ კიბეზე. იქ რომ ყუთი ყოფილიყო ტახტის ქვეშ, პატრონებით სავსე ყუთს იქ დავტოვებდი? გიჟი ვარ?

დახვეტეს რაც რამ ნაყიდი გვქონდა. ჩეხური პისტოლეტი გვქონდა გაფორმებული, ეგეც წაიღეს, კომპიუტერიც, ტანსაცმელიც, ფეხსაცმელიც. ეს ნივთები რატომღა მიგაქვთ, გასაყიდად გვაქვს რომ მშივრები არ დავიხოცოთ მეთქი, დაგიბრუნებთო მომაძახეს და წავიდნენ. დილით ჩემმა ძმის შვილმა ჯაბრაილმა დამირეკა. თარხანი დაიჭირესო. იმ ღამეს მასთან ყოფილა თბილისში და იქ აუყვანიათ. სამი წელიწადი მისცეს.

2-3 თვეღა იყო დარჩენილი, ამნისტია შეეხო და გამოუშვეს. პირადი ნივთებიდან მხოლოდ პისტოლეტი დაიბრუნა.

- რელიგიით როდის დაინტერესდა?

- თავის ძმებსაც კი უშლიდა, რომ მაგ გზაზე არ დამდგარიყვნენ. როცა ყველაფერის იმედი დაკარგა, ციხეში რომ ჩააგდეს, იმის შემდეგ.

- სირიაში როდის წავიდა, იცოდით ამის შესახებ?

- არა, არ ვიცოდი. აბსოლუტურად არაფერი არ ვიცოდი. არ ვიცი როდის წავიდა, როგორ წავიდა, ვის აჰყვა. არ მითხრა მე არაფერი.

- როგორ შეხვდით მის ამ გადაწყვეტილებას?

- ცუდად, ცუდად. იცი რატომ სულხან? დედამიწის ზურგზე ოთხი წმინდა წიგნია, ყურანი და ბიბლია ვიცი და დანარჩენი ორიდან ერთი მგონი ინდოეთშია და ერთი ჩინეთში. ყველა წმინდა წიგნი გაფრთხილებს არ კლა კაცი! ესენი იძახიან, ალაჰის სახელით მოვკლათ კაცი. ალაჰის სახელით ვერ მოკლავს. ალაჰი გაფრთხილებს შენ, არ კლა კაცი. ეგ ოთხივე წიგნი გაფრთხილებს, არ კლა კაცი, არ შეიძლება კაცის მოკვლა.

- მას შემდეგ, რაც ის სირიაში მეთაური გახდა, აქედან სხვა ბიჭებიც წავიდნენ მასთან?

- ბევრნი არიან. აქედანაც, დუისელებიც ბევრნი არიან. აი, ეხლაც ჩვენი მეზობლის ბიჭის ცოლის ძმა მოკლესო იძახიან. ჯოყოლოელებიც დახოცეს, ლეილას ბიჭებიც ხომ დახოცეს. კოკა წყლის კარზე ტყდება, მაშ როგორ გინდა, ომია.

- თქვენ გაქვთ მასთან კავშირი?

- მე არ მეკონტაქტება. არაფერი ვიცი. უფროსი ბიჭი აქ არის, იმას შევეკითხები, ახალი ხომ არაფერია, ცოცხლები არიან მეთქი? კი, ცოცხლები არიანო.

- ფიქრობთ, რომ დაბრუნდება?

- არა, არა. ეგ ისეთ წრეშია ჩაბმული, იქიდან გამოსვლა აღარ შეიძლება. ღმერთმა დაიფაროს ყველა. მე ქრისტიანი კაცი ვარ, ეს ამბავი, რასაც ეგენი ამბობენ რომ გამართლდეს. „ალ ყაიდას“ შტაბში ბინ ლადენად მოიაზრებენ თარხანსო, ბინლადენის ადგილზეო. ღმერთო დაიფარე მაგისგან“.

სულხან ბორძიკაშვილი | კახეთის საინფორმაციო ცენტრი

წყარო აღებულია:  კახეთის საინფორმაციო ცენტრი

https://www.youtube.com/watch?feature=player_embedded&x-yt-ts=1422327029&x-yt-cl=84838260&v=kjwQcV4_xOI

  • 28/01/2015
  • 1335

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

სამხრობის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21