მოხეში მუსლიმები და ქრისტიანები დაუპირისპირდნენ

სოფელ მოხეში, ძველი მეჩეთის შენობის დემონტაჟის დაწყებას, მუსლიმების პროტესტი მოჰყვა. მუსლიმები ირწმუნებიან, შენობას სისხლის ფასად დაიცავენ, ქრისტიანები კი ამბობენ, რომ შენობის მუსლიმთა სამმართველოსთვის გადაცემას არ დაუშვებენ.

მოხეში მუსლიმები და ქრისტიანები დაუპირისპირდნენ

დაპირისპირება მოხეში დღეს, 18 ოქტომბერს, დილიდან დაიწყო. სოფელში დაძაბულობა მეჩეთის ძველ შენობასთან სამშენებლო კომპანიის მუშახელის გამოჩენამ გამოიწვია. 

შეგახსენებთ, მუსლიმები შენობის მუსლიმთა სამმართველოსთვის გადაცემას ითხოვენ, ადიგენის გამგეობაში კი განაცხადეს, რომ შენობას კულტურის სახლის სტატუსი აქვს და მისი რებილიტაციისთვის ტენდერი გამოაცხადეს.

ტენდერში გამარჯვებული კომპანია დღეს მოხეში იმისთვის ავიდა, რომ შენობის დემონტაჟი და ამ ადგილას კულტურის სახლის მშენებლობა დაეწყო. მუშების გამოჩენისთანავე შენობასთან მუსლიმი მრევლი შეიკრიბა და მათ მუშაობის შეწყვეტა მოსთხოვა. მალევე სოფლის ცენტრში ადგილობრივი ქრისტიანები მივიდნენ. 

მოხეში მუსლიმები და ქრისტიანები დაუპირისპირდნენ

ქრისტიანები აცხადებენ, რომ მუსლიმი მრევლი მშენებლებს თავს დაესხა და მუშაობის შეწყვეტა მოსთხოვა. ამ ფაქტს კატეგორიულად უარყოფენ მუსლიმები. ისინი ამბობენ, რომ მშენებლებს თავს არ დასხმიან, უბრალოდ მივიდნენ და სთხოვეს ნგრევა შეეწყვიტათ. მშენებლებმა სოფელი მაშინვე დატოვეს. მუსლიმი მრევლი მშენებლებს თავს რომ არ დასხმია ამას საქართველოს შინაგან საქმეთა სამინისტროშიც ადასტურებენ. მოხელი სამართალდამცველები დილიდანვე იმყოფებოდნენ. 

სოფლის ცენტრში შეკრებილი ქრისტიანები ამბობენ, რომ არ დაუშვებენ შენობის მუსლიმთა სამმართველოსთვის გადაცემას და ამ ადგილას რაიმე მუსლიმური შნეობის აშენებას. მუსლიმები კი ირწმუნებიან, რომ შენობას სისხლის ფასად დაიცავენ და არ მისცემენ უფლებას ამ ადგილას კულტურის სახლი ააშენონ. 

ამ დროისთვის მოხეში სიმშვიდეა. სოფლის ცენტრში ისევ რჩებიან მუსლიმებიც და ქრისტიანებიც. შეკრებილები აცხადებენ, რომ ადგილობრივი თვითმმართველობის წარმომადგენლებს ელოდებიან. სოფელში ისევ რჩებიან სამართალდამცველებიც.

მოხეში მუსლიმები და ქრისტიანები დაუპირისპირდნენ

მუსლიმი მრევლი სოფელში ელოდება სამცხე–ჯავახეთის მუფთს მამუკა ვაშაყმაძესა და ჭელის მეჩეთის წინამძღვარს ჯამბულ აბულაძესაც, რომლებიც მოხეში ბათუმიდან მოდიან. გუშინ, 17 ოქტომბერს, მუსლიმი მრევლი ბათუმში პრემიერს შეხვდა. რაზე ისაუბრეს შეხვედრაზე, განიხილეს თუ არა მოხის სადაო მეჩეთის თემა და რას დაჰპირდა პრემიერი მუსლიმებს, ამის შესახებ „სამხრეთის კარიბჭე“ ჯამბულ აბულაძის მოხეში დაბრუნებისთანავე მოგითხრობთ. 

შეგახსენებთ, აღნიშნული შენობის მუსლიმი თემისთვის გადაცემის მოთხოვნით სრულიად საქართველოს მუფთმა ჯემალ პაქსაძემ ადიგენის მუნიციპალიტეტის გამგეობას მიმდინარე წლის 30 მაისს მიმართა. ადიგენის გამგეობაში ირწმუნებიან, რომ შენობას კულტურის სახლის სტატუსი აქვს და მისი შეცვლა არ შეუძლიათ. შენობის გამო ეს დაპირისპირების პირველი შემთხვევა არ არის. მუსლიმები და ქრისტიანები ერთმანეთს მიმდინარე წლის 12 სექტემბერსაცდაუპირისპირდნენ. მუსლიმები ადგილობრივ ხელისუფლებას ცრუ დაპირებაში ადანაშაულებენ და ამბობენ, რომ წინასაარჩევნოდ ისინი გამოიყენეს.

მოხეში მუსლიმები და ქრისტიანები დაუპირისპირდნენ
მოხის მეჩეთის სადავო შენობა

[ნინო ნარიმანიშვილი, თამუნა უჩიძე, ადიგენი]
 
 

 

 
 

  • 28/01/2015
  • 1807

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21