პრემიერი მუსლიმებს მოხის მეჩეთის საკითხის შესწავლას დაპირდა

საქართველოს პრემიერ მინისტრი ირაკლი ღარიბაშვილი ბათუმში შეკრებილ მუსლიმებს დაჰპირდა რომ ადიგენის მუნიციპალიტეტის სოფელ მოხეში მდებარე მეჩეთის სადაო შენობის საკითხს ერთ კვირაში შეისწავლის.

 
პრემიერი მუსლიმებს მოხის მეჩეთის საკითხის შესწავლას დაპირდა
ჭელის მეჩეთის წინამძღვარი ჯამბულ აბულაძე

ირაკლი ღარიბაშვილი დასავლეთ საქართველოს მუფთს, ჯემალ პაქსაძესა და მუსლიმებს 16 ოქტომბერს, ბათუმში შეხვდა. სამცხე–ჯავახეთიდან შეხვედრას სამცხე–ჯავახეთის მუფთი მამუკა ვაშაყმაძე და ჭელის მეჩეთის წინამძღვარი ჯამბულ აბულაძე ესწრებოდნენ. 

მათი განცხადებით, პრემიერთან შეხვედრაზე ზოგადად მუსლიმების პრობლემებზე ისაუბრეს. კერძოდ, ქობულეთში მუსლიმური პანსიონის ფუნქციონირების და ბათუმში ახალი მეჩეთის მშენებლობის დაწყების საკითხზე. ასევე განიხილეს, ადიგენის მუნიციპალიტეტის სოფელ მოხეში მდებარე მეჩეთის მუსლიმთა სამმართველოსთვის გადაცემის საკითხი. 

სამცხე–ჯავახეთის წარმომადგენლებმა პრემიერს ადიგენის მუნიციპალიტეტში მცხოვრები მუსლიმი მოსახლეობის სახელით განცხადებაც გადასცეს. განცხადებას 500 მოქალაქე აწერს ხელს. 

განცხადებაში საუბარია, რომ მოხეში მუსლიმები 1975–80 წლებიდან ცხოვრობენ და ამჯამად სოფლის მოსახლეობის 70–75 პროცენტს შეადგენენ. სოფლის ცენტრში მდებარე მუსლიმურ სალოცავს კომუნისტების პერიოდში ჯერ საწყობად, შემდეგ კი კლუბად იყენებდნენ. მას შემდეგ, რაც ქართველები დაუბრუნდნენ სარწმუნოებას და თვითგამორკვევა დაიწყეს, ამ შენობაში აღარავინ შედიოდა. ბოლო 10 წელი შენობა უფუნქციოდ დარჩა და ჩამოიშალა. მას შემდეგ, რაც ქვეყანა ევროპის გზას დაადგა და მიიღო ანტიდისკრიმინაციუი კანონი, მუსლიმებმა ამ შენობის გადაცემა მოითხოვეს და ამისთვის ადიგენის გამგეობას წერილობით მიმართეს. თუმცა, პასუხი შეურაცხმყოფელი აღმოჩნდა. ადგილობრივმა გამგეობამ მიიღო გადაწყვეტილება შენობას დაუბრუნდეს კლუბის ფუნქცია და გადაკეთდეს მუსიკალურ, ქორეოგრაფიულ და ეთნოგრაფიულ ცენტრად. 

„ბატონო ირაკლი, ეს გადაწყვეტილება შეურაცხმყოფელია პირველ რიგში ადიგენის მუნიციპალიტეტში მცხოვრები მუსლიმი თემისთვის, ასევე, საქართველოში და მთელს მსოფლიოში მცხოვრები ყველა მუსლიმისთვის. განსაკუთრებით გაუაზრებელი და ზედაპირულია ადიგენის გამგეობის მიერ მიღებული ვითომდა ჰუმანური გადაწყვეტილება, რომ ეს ცენტრი ხელს შეუწყობს მოსწავლე ახალგაზრდობის ადგილზე დამაგრებას და მათი ჯანმრთელი ცხოვრების წესის დამკვიდრებას. ეს არის აბსურდული, რადგან რაც არ უნდა კეთილმოეწყოს და აღიჭურვოს შესაბამისი ინფრასტრუქტურით, იქ არცერთი ახალგაზრდა ფეხს არ შეადგამს, რამეთუ ის რელიგიული სიწმინდეა და ვიმეოდვნებთ, ასევე მოიქცევა არამუსლიმი მოსახლეობაც. მაშინ საინტერესოა, რა ფუნქციის მატარებელი იქნება ეს შენობა. ჩვენ დარწმუნებული ვართ, რომ ეს ქმედება გამოიწვევს მომავალში რელიგიურ დაპირისპირებას და არასასურველ კონფლიქტებს, რაც საერთო ჯამში დააზარალებს ჩვენს ქვეყანას“,– ვკითხულობთ განცხადებაში.

ადიგენის მუსლიმი თემი პრემიერს ამ განცხადებით შენობის გადაცემას სთხოვს. განცხადებას თან ერთვის ადიგენის მუნიციპალიტეტის მიერ მიღებული გადაწყვეტილების ასლი და მუსლიმი თემის ხელმოწერა. 

ჭელის მეჩეთის წინამძღვარი ჯამბულ აბულაძე ამბობს, რომ პრემიერს მოხის მეჩეთის შესახებ სრულყოფილი ინფორმაცია არ ჰქონდა: „პრემიერი დაგვპირდა, რომ საკითხს შეისწავლის და ერთ კვირაში პასუხს გაგვაცნობს“. 

შეგახსენებთ, მოხის მეჩეთის გამო დღეს მოხეში მცხოვრები ქრისტიანები და მუსლიმები ერთმანეთს დაუპირისპირდნენ. და, ეს დაპირისპირების პირველი შემთხვევა არ არის. დღეს მოხეში ადგილობრივი ხელისუფლების წევრებსაც ელოდენენ, თუმცა არავინ მივიდა

  • 28/01/2015
  • 2161

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21