საშობაო

ტრადიციულ და სულიერ ღირებულებებს უნდა ვუპატრონოთ.

ძვირფასო მუსლიმებო!

ხალხის ფეხზე მყარად დგომას ტრადიციული და სულიერი ღირებულებები განაპირობებს. ეს ღირებულებები ხალხის ერთიანობას საზოგადოებრივ თანაცხოვრებას უზრუნველყოფს და ამასთანავე ქვეყანას ღირსეულ ადგილს უმკვიდრებს ისტორიაში. ერი მანამდე განაგრძობს არსებობას, სანამ ამ ღრებულებებს შთამომავლობას გადასცემს. ისტორიამ გვაჩვენა, რომ ერები, რომლებმაც ეს ღირებულებები არ შემოინახეს და შთამომავლობას არ გადასცეს და ბრმად მიბაძეს სხვა ერებს, ეროვნული თვითშეგნება დაკარგეს და მსოფლიო რუკიდან წაიშალნენ. ამიტომ, ერის განადგურების მსურველები, უპირველეს ყოვლისა შიგნიდან უტევენ ერს და ცდილობენ დააკარგვინონ რწმენისეული, ზნეობრივი და ტრადიციული ღირებულებები. 


ძვირფასო მუსლიმებო!

ჩვენი დიადი სარწმუნოება და ტრადიციები, როგორც წესი გამთლიანებულია და სარწმუნოების სათნო პრინციპები მყარად მოქმედებს. სიყვარულის და ურთიერთპატივისცემის გავრცელების, საზოგადოებრივი ცხოვრების ჰარმონიის, მომავალი თაობების სწორად აღზრდისა და განვითარებისათვის სულიერი და ტრადიციული ღირებულებების როლი განსაკუთრებით დიდია. განსაკუთრებით დიდ მნიშვნელობას კი ახალგაზრდა თაობების ამ ღირებულებების მიხედვით აღზრდა ატარებს, რადგან ახალგაზრდების ჩამოშრება ამ ღირებულებებთან გამოიწვევს მათი მხრიდან ისეთ ქცევებს, რომლებიც ხალხის ტრადიციებს არ შეესაბამება გამომდინარე აქედან, ახალგაზრდა თაობების მიზანმიმართული და სწორი აღზრდა მშობლების, სხვა აღმზრდელების და ზოგადად მთელი საზოგადოების მოვალეობაა. დიადი ღმერთი მოგვიწოდებს დავიცვათ სულიერი და ზნეობრივი ღრებულებები და პრინციპები და ამასთანავე დავიცვათ ჩვენი მეობა. ამ საკითხთან დაკავშირებით გვაფრთხილებს წმ. შუამავალიც და მოგვიწოდებს, რომ არ შევითვისოთ უცხო ტრადიციები, რომლებიც ჩვენს ერთიანობას მოშლიან და ზნეობრივად გაგვრყვნიან. 


ძვირფასო მუსლიმებო!

დღეს, ჩვენს საზოგადოებაში გავრცელებული საახალწლო დღესასწაული და ზეიმი ჩვენს კულტურულ და ტრადიციულ საფუძველს არ ეყრდნობა. ამგვარ დღესასწაულებზე გამართულ ზეიმებში ფულის ზედმეტად ხარჯვა, ჯანმრთელობისთვის საზიანო და ღვთის მიერ აკრძალული ალკოჰოლის მიღება და აზარტული თამაშები ის ქმედებებია, რომლებიც ჩვენს რწმენას არ შეესაბამება. გარდა ამისა, ეს ყველაფერი ეწინააღმდეგება ჩვენს ტრადიციულ და სულიერ ღირებულებებს. ეს კი კულტურულ დეგრადაციას იწვევს და ეროვნულ იდენტობას გვაშორებს. ამიტომ საჭიროა ჩვენი ზნეობრივი და სულიერი ღირებულებები დავიცვათ და ეს ღირებულებები მომავალ თაობებს გადავცეთ. ჩვენ მაქსიმალურად უნდა მოვერიდოთ ისეთი ტრადიციების დამკვიდრებას, რომლებიც ჩვენს სულიერ და ზნეობრივ პრინციპებს უპირისპირდებიან და ბრმად არ უნდა მივიღოთ ისინი. ახალი წლის აღნიშვნის გზით ისეთ რამ არ უნდა ჩავიდინოთ, რაც ღმერთისა და შუამავლისათვის მიუღებელი იქნება. ამის მაგივრად სჯობს ვიფიქროთ, მომავალი წლისთვის, როგორ შევცვალოთ ჩვენი ცხოვრება უკეთესობისკენ. 

 

ჰეი, მუსლიმო! ნუთუ შენც უნდა აღნიშნო ახალი წელი?!
განა შენც უნდა აღნიშნო ახალი წელი?
მუსლიმური საზოგდოების რწმენისგან ჩამოშორებისათვის წარმოებული სისტემური კამპანია შობა-ახალ წელს განსაკუთრებულ მასშტაბებს მოიცავს. სწორედ ამ საკითხს ეხება ეს ვიდეო მასალა, რომელიც ადამიანებს მოუწოდებს თვალი გაახილონ... 

ახალი წლის აღსანიშნავად მთელ მსოფლიოში მილიონობით ნაძვის ხე იჭრება და ნადგურდება. გარდა ამისა, ამ დღეს იქმნება გარემო, სადაც სვამენ ალკოჰოლურ სასმელებს, არის აზარტული თამაშები და სხვა მრავალი რამ ხდება, რაც ზნეობრიობის საწინააღმდეგოა. მუსლიმთა უმეცარი ნაწილი ასე უგნურად და ბრმად ბაძავს სხვებს, ჭრის ნაძვის ხეს, აღნიშნავს ახალ წელს და დილამდე ვითომცდა ერთობა... 

კი მაგრამ, ჩვენ რაღა მოგვივიდა?
სწორედ ამ კითხვის პასუხს ეძებს ადამიანთა ჯგუფი, რომელსაც ჩვენ ვიცნობთ, როგორც „ქუჩის უზნეობის“ წინააღმდეგ მებრძოლებს. სწორედ მათ გამოვიდნენ ინიციატივით და დასვეს კითხვა: „ნუთუ შენც უნდა აღნიშნო ახალი წელი?“ ვიდეოს მიზანია ადამიანებს დაანახოს სიმართლე, თუ როგორ ბრმად ბაძავენ მუსლიმები სხვებს. წმ. შუამავალი ბრძანებდა: „ვინც რომელიმე სხვა თემს, სხვა ხალხს მიბაძავს, ის მათ ეკუთვნის“. ამის მიუხედავად და იმის შემდეგ, რასაც ევროპა აკეთებს ისლამის საწინააღმდეგოდ, როგორ შეგიძლიათ, ან რა ლოგიკით ეთანხმებით და ბაძავთ მათ? სწორედ ასეთ კრიტიკულ შეკითხვებს სვამს აღნიშნული მასალა და ახალ წლამდე მცირე ხნით ადრე ადამიანებს შეცდომებზე მიუთითებს. 

  

  • 29/01/2015
  • 1669

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21