ჰუთბე მევლიდი

ვფიცავ, ალლაჰის შუამავალი კარგი მაგალითი იყო თქვენთვის, ვინც ისწრაფვოდა ალლაჰისკენ და უკანასკნელი დღისკენ და ხშირად ახსენებდა ალლაჰს!

ჰუთბე მევლიდი

“ვფიცავ, ალლაჰის შუამავალი კარგი მაგალითი იყო თქვენთვის, ვინც ისწრაფვოდა ალლაჰისკენ და უკანასკნელი დღისკენ და ხშირად ახსენებდა ალლაჰს!” (აჰზაბ 21)

 

ძვირფასო მუსლიმებო!

მომავალი პარასკევი დღე ჩვენი საყვარელი შუამავლის მუჰამმედის დაბადების დღეა. ვულოცავთ მთელ ისლამურ სამყაროს და მთელს კაცობრიობას. ჩვენი შუამავალი დაიბადა 571 წლის რებიულ ევველის მთვარის მე-12 ღამეს. მისი მოვლინებით დედამიწაზე სამყარომ ღირსება შეიძინა. მისი დაბადება იყო სამყაროს წყალობა და კაცობრიობამ სიმშვიდე და ბედნიერება მოიპოვა.

მის მოვლინებამდე, როგორ მოგეხსენებათ უმეცრების ხანა იდგა და სამყარო სიბნელეში იყო ჩაფლული. სიყვარული, გულმოწყალება, სამართალი, უფლებები და მიმტევებლობა აბსოლუტურად უგულებელყოფილი იყო. ადამიანებს ადამიანური ღირებულებები დაკარგული ჰქონდათ. ბოროტებისგან დაჩაგრული ადამიანების და ცოცხლად დამარხული ქალიშვილების გოდება აღარავის ესმოდა გარდა სამყაროს შემოქმედისა. ადამიანების შეგნება ბნელით იყო მოცული და ყოველი ბოროტება და ცოდვა აშკარად და დაუფარავად ხდებოდა. ადამიანებს შორის უკიდურესი დაუნდობლობა მძვინვარებდა.

ძვირფასო ძმებო,

სწორედ ასეთ დროს მოევლინა სამყაროს წმ. შუამავალი და სწორედ მას უნდა გადაერჩინა კაცობრიობა ამგვარი ჭაობისგან. როგორც ცხონებული სულეიმან ჩელები ამბობდა, შუამავლის მოვლინების ღამეს მრავალი საოცრება და სასწაულებრივი ნიშანი გამოვლინდა. ქააბაში დადგმული კერპები და ცეცხლთაყანისმცემელთა სალოცავი ცეცხლი ამ ღამის მნიშვნელობას გრძნობდნენ. ამ ღამეს მექას ჰორიზონტმა კაშკაში დაიწყო. ადამიანთა სულებმა იგრძნეს, რომ მისი ნათელი ამ ბნელ ფარდას გაარღვევდა და ქვეყნიერებას გაასხივოსნებდა. ამ ღამით წარმოქმნილი ნათელი სამყაროს მიმართულებას და ისტორიის მსვლელობას შეცვლიდა.

 ძვირფასო მორწმუნენო,

წმ. შუამავლის მოვლინების შემდეგ ადამიანთა გულები გასხივოსნდა. სწორედ მისი წყალობით იგრძნეს ადამიანებმა თავიანთი ადამიანობა და თავიანთი მნიშვნელობა. ეს იმიტომ, რომ სწორედ ის იყო მშვიდობის ელჩი. ის იყო მთელი სამყაროს წყალობისა და მიმტევებლობის მაგალითი. ის იყო კაცობრიობის ისტორიაში ყველაზე გამორჩეული ადამიანი. ღმერთმა ის სამაგალითო ადამიანად შექმნა და მთელ კაცობრიობას როგორც უნიკალური მაგალითი ისე წარუდგინა. ამაზეა საუბარი აჰზაბის სურას 21-ე აიათში:

„ვფიცავ, ალლაჰის შუამავალი კარგი მაგალითი იყო თქვენთვის, ვინც ისწრაფვოდა ალლაჰისკენ და უკანასკნელი დღისკენ და ხშირად ახსენებდა ალლაჰს!” (აჰზაბ 21)

სწორედ ამიტომ, დღეს, ჩვენ მუსლიმებმა უნდა გავიხსენოთ წმ. შუამავალი და მისი უნივერსალური გზავნილები, რომელიც მან მთელ კაცობრიობას გაუგზავნა. სწორედ ამიტომ, შიანაარსიანად უნდა გამოვიყენით ეს დღე, შუამავლის დედამიწაზე მოვლინები დღე. მისი სიყვარული, მისი გაგება, მისი სულიერი მემკვიდრეობის დაცვა და გაგრძელება ეს დალოცვილი ღამეები გონივრულად უნდა გამოვიყენოთ და ამ ყველაფერმა ახალი გამოღვიძებისკენ უნდა გვიბიძგოს. კიდევ ერთხელ გილოცავთ ამ ძვირფას დღეს და ჰუთბეს შემდეგი აიათით დავასრულებ:

„ვფიცავ, თქვენთან მოვიდა შუამავალი თქვენივე წიაღიდან. მძიმეა მისთვის,რომ თქვენ განსაცდელში ხართ. გული შესტკივა თქვენზე. მიმტევებელი და მწყალობელია მორწმუნეებისადმი!“ (თევბე 128)

http://muslimgeorgia.org/yeni/isDosyalar/klip/Filmim.mp4

 
 
 

  • 29/01/2015
  • 1813

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

ღამის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:26 08:03 13:06 15:34 17:57 19:23
სამშაბათი 06:27 08:04 13:06 15:33 17:56 19:23
ოთხშაბათს 06:28 08:05 13:06 15:33 17:55 19:22
ხუთშაბათი 06:29 08:06 13:07 15:32 17:55 19:22
პარასკევი 06:30 08:08 13:07 15:32 17:54 19:21
შაბათის 06:31 08:09 13:07 15:32 17:54 19:21
კვირა 06:32 08:10 13:08 15:31 17:53 19:21